اسقار مامين ەل ەكونوميكاسىنىڭ تۇراقتى وسۋىنە نەگىز بولاتىن فاكتوردى اتادى
«نەگىزگى كاپيتالعا سالىنعان ينۆەستيتسيا - 6,2 پايىز، ال تاۋ- كەن ءوندىرىسىن قوسپاعاندا 11,7 پايىز ءوستى. بۇل بولاشاقتا ەكونوميكانىڭ تۇراقتى وسۋىنە نەگىز بولادى. قاڭتار- قاراشا ايلارىنىڭ قورىتىندىسى بويىنشا، بارلىق نەگىزگى ماكروەكونوميكالىق كورسەتكىشتەردىڭ ءوسىمى الماتى، جامبىل، ماڭعىستاۋ، پاۆلودار، شىعىس قازاقستان وبلىستارىندا، نۇر- سۇلتان جانە شىمكەنت قالالارىندا تىركەلدى»، - دەدى ۇكىمەت باسشىسى.
ايتۋىنشا، 6 كورسەتكىش بويىنشا ءوسىم اقمولا، اقتوبە، اتىراۋ، قاراعاندى، قىزىلوردا، سولتۇستىك قازاقستان، تۇركىستان وبلىستارى مەن الماتى قالاسى سياقتى 9 وڭىردە بايقالعان. ال باتىس قازاقستان وبلىسىندا تەك 5 كورسەتكىش بويىنشا وڭ ديناميكا بار.
«مينيسترلىكتەر مەن اكىمدىكتەرگە جىلدىڭ سوڭىنا دەيىن بارلىق جوسپارلى كورسەتكىشتەردىڭ ورىندالۋىن قامتاماسىز ەتۋدى تاپسىرامىن»، - دەگەن پرەمەر- مينيستر بۇل تاپسىرمانىڭ ورىندالۋىن باقىلاۋدى ءبىرىنشى ورىنباسارى ءاليحان سمايىلوۆقا جۇكتەدى.