USD 434.48 EUR 492.61
RUB 5.68 CNY 68.44
جاڭالىقتار

ەلوردادا پلاستيك بوتەلكە قابىلدايتىن تاعى ءبىر فاندومات ىسكە قوسىلدى

8 جەلتوقسان 22:44
:ءبولىسۋ
ەلوردادا پلاستيك بوتەلكە قابىلدايتىن تاعى ءبىر فاندومات ىسكە قوسىلدى

نۇر-سۇلتان. قازاقپارات - ەلوردادا قايتا وڭدەۋگە جىبەرىلەتىن پلاستيكالىق بوتەلكەلەردى قابىلدايتىن ەكىنشى فاندومات پايدا بولدى، دەپ حابارلايدى قازاقپارات ءتىلشىسى.

- مينيسترلىك «City Transportation Systems» كومپانياسىنىڭ مالىمەتىنشە، ەلورداداعى مۇنداي ەكىنشى اپپارات «گۇلجان» ساۋدا ۇيىندە ورناتىلعان. سونىمەن قاتار بوتەلكە ىدىستى تاپسىرۋ باعاسى 5 تەڭگەگە دەيىن كوتەرىلدى. جينالعان سومانى كولىك كارتاسىنىڭ بالانسىنا اۋدارۋعا نەمەسە قايىرىمدىلىققا جىبەرۋگە بولادى.

«كولىك كارتاسىن تولتىرۋ ءۇشىن Transcard.kz سايتىندا فاندوماتتا الىنعان ارنايى كۋپوندى ىسكە قوسۋ كەرەك»، - دەپ اتاپ وتەدى كومپانيادان.

ەستەرىڭىزگە سالا كەتسەك، وسى جىلدىڭ 4- ماۋسىمىندا ەلوردادا «كەرۋەن» ساۋدا ورتالىعىندا بوتەلكەلەردى قايتا وڭدەۋگە قابىلدايتىن «Fandobox ecoplatform» اۆتوماتى ىسكە قوسىلعان ەدى.

اپپارات كولەمى 0,5 تەن 2 ليترگە دەيىنگى پلاستيك بوتەلكەلەردى، اليۋميني بانكالاردى شتريح- كودىمەن قابىلدايدى. ولاردىڭ ىشىندە سۇيىقتىق بولماۋى ءتيىس. الدىمەن قولايلى بوتەلكەنىڭ نەمەسە بانكانىڭ شتريح-كودىن كورسەتۋ كەرەك. بوتەلكە كورسەتىلگەن ولشەمدەرگە سايكەس كەلسە، اپپارات ونى قابىلدايدى. بىرنەشە بوتەلكە نەمەسە بانكا تاپسىرعىڭىز كەلسە دە، ولاردى كەزەك-كەزەك سالۋ كەرەك. ال بوتەلكەنى تاپسىرۋ ارقىلى ەلورداداعى قوعامدىق كولىك كارتاسىنا بالانس تولتىرۋعا مۇمكىندىك بەرەتىن مۇنداي اپپارات وتكەن ايدا «استانالىق» بازاردا («ارتەم» ساۋدا ءۇيى) ورناتىلعان ەدى.

ول كەزدە ءبىر بوتەلكە تاپسىرعانى ءۇشىن 3 تەڭگە بونۋس بەرىلەتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات