USD 434.84 EUR 498.2
RUB 5.72 CNY 68.47
جاڭالىقتار

سيريا جونىندەگى استانا پروتسەسى: قانداي ماسەلەلەر تالقىلانادى؟

8 جەلتوقسان 20:43
:ءبولىسۋ
سيريا جونىندەگى استانا پروتسەسى: قانداي ماسەلەلەر تالقىلانادى؟

نۇر-سۇلتان. قازاقپارات - ق ر سىرتقى ىستەر مينيسترلىگى سيريا جونىندەگى استانا پروتسەسىنە قاتىسۋشىلار جەلتوقسان ايىنىڭ الداعى كۇندەرى وتەتىن كەزەكتى كەزدەسۋدە قانداي ماسەلە تالقىلاناتىنىن ءمالىم ەتتى، دەپ حابارلايدى قازاقپارات.

سيريا جونىندەگى استانا پروتسەسى اياسىنداعى كەزەكتى كەزدەسۋ 2021-جىلعى 21-22- جەلتوقساندا نۇر-سۇلتان قالاسىندا وتەتىنىن بۇعان دەيىن جازعان بولاتىنبىز.

كەلىسسوزدەرگە رەسەي، تۇركيا، يران، سيريا ۇكىمەتى جانە سيريالىق وپپوزيتسيا قاتىسادى.

باقىلاۋشىلار رەتىندە ب ۇ ۇ، يوردانيا، ليۆان جانە يراك وكىلدەرىنىڭ كەلۋى كۇتىلەدى.

«تاراپتار سيرياداعى احۋالدى، استانا پروتسەسى اياسىندا بۇرىن قول جەتكىزگەن كەلىسىمدەردى ورىنداۋ ماقساتىندا دەەسكالاتسيا ايماقتارىنداعى تۇراقتىلىقتى قولداۋ مىندەتتەرىن قاراستىرادى. سونداي-اق، كەپىلگەر مەملەكەتتەر - رەسەي، تۇركيا جانە يراننىڭ، سونداي-اق ب ۇ ۇ جانە حالىقارالىق قىزىل كرەست كوميتەتىنىڭ قاتىسۋىمەن ماجبۇرلەپ ۇستالىپ وتىرعان تۇلعالار بويىنشا جۇمىس توبىنىڭ وتىرىسى جوسپارلانۋدا. ب ۇ ۇ اياسىنداعى كەلىسسوزدەر پروتسەسىنە سەرپىن بەرۋ ماقساتىندا تاراپتار جەنيەۆاداعى سيريالىق كونستيتۋتسيالىق كوميتەت جۇمىسىنىڭ جوسپارلارىن تالقىلايدى»، - دەلىنگەن ق ر س ءى م حابارلاماسىندا.

ءمالىم ەتىلگەندەي، نۇر-سۇلتان قالاسىنداعى ەكىجاقتى جانە ءۇشجاقتى كونسۋلتاتسيالار ەكى كۇنگە سوزىلادى.

قورىتىندى مالىمدەمەنىڭ ءماتىنى رەسمي اقپارات كوزدەرىندە جاريالانادى. كوروناۆيرۋستىڭ تارالۋىنا بايلانىستى كارانتيندىك شەكتەۋلەردى نازارعا الا وتىرىپ، پلەنارلىق وتىرىستىڭ ءوتۋى جوسپارلانباعان.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات