الەم چەمپيونى جانىبەك الىمحان ۇلىمەن جەكپە-جەكتەن باس تارتتى

نۇر-سۇلتان. قازاقپارات - ورتا سالماقتا WBO چەمپيونى امەريكالىق دەمەتريۋس اندرادە (31-0، 19 KO) تيتۋلدان باس تارتىپ، باسقا دۆيۆيزيونعا ءوتۋى مۇمكىن.

بۇل تۋرالى ونىڭ پروموۋتەرى ەددي حيرن مالىمدەدى، دەپ حابارلايدى Vesti.kz.

«بۇل قىزىق. ءبىز چەمپيوندار اراسىندا ايقاس ۇيىمداستىرۋ تۋرالى WBC ۇيىمىنا سۇرانىس جاسادىق. ال ءبىر كۇننەن كەيىن WBO مەن ەشقاشان اتىن ەستىمەگەن جىگىتتى (جانىبەك ءالىمحان ۇلى) مىندەتتى قارسىلاس ەتىپ وتىر.

WBO چەمپيونمەن ايقاستى ۇيىمداستىرا المايدى، ءبىراق، نە رۇقسات بەرە الادى، نە باس تارتا الادى. ولار ءبىزدىڭ WBC ۇيىمىنا حات جازعانىمىزدى بىلەدى. 48 ساعاتتان كەيىن بىزگە جەكپە-جەك بەلگىلەپ تۇر. بۇل ايقاس كىمگە كەرەك؟

اندرادە جوعارى سالماققا ءوتىپ، بىردەن تيتۋلعا ۇمىتكەر بولاتىن ەرەجەنى پايدالاناتىن شىعار. ايتەۋىر بىردەڭە ىستەۋ كەرەك، ويتكەنى ۇمىتكەرمەن جۇدىرىقتاسقىمىز كەلمەيدى»، - دەپ بەرەدى حيرننىڭ ءسوزىن Boxingnews24.com.