USD 434.84 EUR 498.2
RUB 5.72 CNY 68.47
جاڭالىقتار

قازاقستاننىڭ باس سانيتاريا دارىگەرىنىڭ جاڭا قاۋلىسى جاريالاندى

8 جەلتوقسان 14:39
:ءبولىسۋ
قازاقستاننىڭ باس سانيتاريا دارىگەرىنىڭ جاڭا قاۋلىسى جاريالاندى

نۇر-سۇلتان. قازاقپارات - قازاقستاننىڭ دەنساۋلىق ساقتاۋ مينيسترلىگى جانىنداعى سانيتارلىق- ەپيدەميولوگيالىق باقىلاۋ كوميتەتىنىڭ سايتىندا ەلىمىزدىڭ باس سانيتار دارىگەرى ەرلان قياسوۆتىڭ جاڭا قاۋلىسى جاريالاندى.

قاۋلى «قازاقستان رەسپۋبليكاسىنىڭ حالقى اراسىندا كوروناۆيرۋس ينفەكسياسى اۋرۋىنىڭ الدىن الۋ جونىندەگى شارالاردى ودان ءارى جۇرگىزۋ تۋرالى» قازاقستان رەسپۋبليكاسىنىڭ باس مەملەكەتتىك سانيتاريا دارىگەرىنىڭ 2021 -جىلعى 20-قازانداعى № 46-قاۋلىسىنا وزگەرىستەر مەن تولىقتىرۋلار ەنگىزۋ تۋرالى.

قاۋلىدا مىناداي وزگەرىستەر قاراستىرىلعان:

ك ۆ ي- گە قارسى ۆاكسيناتسيالاۋعا مىنا تۇلعالار جاتادى:

12 جاستان 18 جاسقا دەيىنگى جاسوسپىرىمدەر؛

جۇكتى ايەلدەر - جۇكتىلىكتىڭ 16 اپتاسىنان باستاپ 37 اپتاسىنا دەيىن؛

لاكتاتسيا كەزەڭىندەگى ايەلدەر - بوسانعاننان كەيىنگى كەزەڭ اياقتالعاننان كەيىن (42 كۇننەن كەيىن) بالا 2 جاسقا تولعانعا دەيىن.

بۇل رەتتە، 12 جاستان 18 جاسقا دەيىنگى شەتەلدىك جاسوسپىرىمدەر، ونىڭ ىشىندە قر اۋماعىندا ۇزدىكسىز 3 جانە ودان دا كوپ اي وقىپ جاتقان جانە تۇراتىن ستۋدەنتتەر دە كوروناۆيرۋسقا قارسى ۆاكسينا الۋعا جاتادى.

مىناداي رەداكسيادا جازىلسىن:

ەگۋ پۋنكتى جاسوسپىرىمدەردىڭ شوعىرلانۋىن بولدىرمايتىن ەگىلەتىن ادامداردىڭ تۇراقتى ءبىر جاقتى اعىمىن قامتاماسىز ەتە وتىرىپ ۇيىمداستىرىلادى؛

ەگۋ كابينەتىندە ەگىلەتىن ادامداردىڭ جانە مەديتسينالىق باقىلاۋداعى ادامداردىڭ جينالۋىنا جول بەرمەۋ؛

ءبىر مەزگىلدە ۆاكسيناتسيالاۋعا 3 ادامنان اسىرماي شاقىرا وتىرىپ، ەگۋ كابينەتىنىڭ الدىندا حالىقتىڭ كوپ جينالۋىن بولدىرماي جەكە ۆاكسيناتسيا جۇرگىزۋدى ۇيىمداستىرۋ؛

جالپى قارسى كورسەتىلىمدەردەن باسقا، جۇكتى ايەلدەرگە اللەرگيالىق رەاكسيالار، جەدەل قىزبا جاعدايلارى كەزىندە، سونداي- اق جۇكتىلىكتىڭ اۋىر اسقىنۋلارى - ەكلامپسيا، قان كەتۋ جانە باسقا دا جاعدايلار كەزىندە ۆاكسيناتسيا جۇرگىزىلمەيدى؛

ەگەر جۇكتى ايەل جۇكتىلىكتىڭ 35-37 اپتاسىندا ك ۆ ي- گە قارسى ۆاكسيناتسيانىڭ ءبىرىنشى دوزاسىن السا، وندا ۆاكسينانىڭ ەكىنشى دوزاسى بوسانعاننان كەيىن 42 كۇننەن كەيىن ەنگىزىلەدى. ەكى ەگۋدىڭ اراسىنداعى ۇسىنىلاتىن ارالىق 12 اپتادان اسپايدى؛

ەگەر ەكى دوزادا ابايسىزدا ك ۆ ي- گە قارسى ۆاكسينالاردىڭ ءارتۇرلى تيپتەرى ەنگىزىلسە، وندا پايدالانىلعان ۆاكسينالاردىڭ كەز كەلگەنىنە قوسىمشا دوزالاردى ەنگىزۋ ۇسىنىلمايدى؛

«كوميرناتي» ۆاكسيناسىن (پفايزەر، ا ق ش) قولدانا وتىرىپ، ك ۆ ي- گە قارسى ۆاكسيناتسيانى جانە ريەۆاكسيناتسيانى الۋ تۋرالى دەرەكتەر ك ۆ ي- گە قارسى ۆاكسينانىڭ بارلىق الىنعان دوزالارىن رەت- رەتىمەن (ەگۋ جۇرگىزىلگەن كۇن، ۆاكسينانىڭ اتاۋى، سەرياسى، ءوندىرۋشى ەل، دوزا) كورسەتە وتىرىپ، «ۆاكسيناتسيا» ءمودۋلىنىڭ اقپاراتتىق جۇيەسىندە كورسەتىلەدى.

قاۋلىنىڭ تولىق ءماتىنىن مىنا سىلتەمەدەن كورە الاسىز.

قاۋلى قول قويىلعان كۇننەن باستاپ قولدانىسقا ەنگىزىلەدى.

Tengrinews.kz


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات