USD 434.84 EUR 498.2
RUB 5.72 CNY 68.47
جاڭالىقتار

ەلوردادا جاڭاجىلدىق ەرتەڭگىلىكتەر قالاي وتەدى - سانيتار دارىگەر ءتۇسىندىردى

8 جەلتوقسان 14:10
:ءبولىسۋ
ەلوردادا جاڭاجىلدىق ەرتەڭگىلىكتەر قالاي وتەدى - سانيتار دارىگەر ءتۇسىندىردى

نۇر-سۇلتان. قازاقپارات - نۇر-سۇلتان قالاسىنىڭ باس مەملەكەتتىك سانيتار دارىگەرى سارحات بەيسەنوۆا ەلوردا مەكتەپتەرى مەن بالاباقشالارىندا جاڭا جىل مەرەكەسىن وتكىزۋ ءتارتىبىن ءتۇسىندىردى، دەپ حابارلايدى قازاقپارات.

«مەكتەپكە دەيىنگى بالالار ۇيىمدارىندا جاڭاجىلدىق ەرتەڭگىلىكتەردى توپتىق وقشاۋلاۋدى قاتاڭ ساقتاعان جاعدايدا - ءار توپ ءۇشىن جەكە وتكىزۋگە رۇقسات ەتىلەدى. ياعني، قانداي دا ءبىر جاڭاجىلدىق ءىس- شارالاردى وتكىزۋ ءۇشىن توپتاردى بىرىكتىرۋگە جول بەرىلمەيدى. ءۇي- جايلاردى كەيىننەن جەلدەتۋ ارقىلى مىندەتتى تۇردە ىلعالدى تازالاۋ جۇرگىزىلەدى»، - دەدى سارحات بەيسەنوۆا ەلوردا اكىمدىگىندە وتكەن بريفينگتە.

سپيكەردىڭ ايتۋىنشا، انيماتورلار مەن بوتەن تۇلعالاردى شاقىرۋعا جانە اتا-انالاردىڭ قاتىسۋىنا تىيىم سالىنادى.

«مەكتەپ ەرتەڭگىلىكتەرىنە كەلسەك، ق ر باس مەملەكەتتىك سانيتار دارىگەرىنىڭ قاۋلىسىنا سايكەس، مەكتەپتەردە بۇقارالىق ءىس- شارالار وتكىزۋگە بولمايدى، اتا-انالاردىڭ بارۋىنا دا رۇقسات جوق. سوندىقتان ءبىز جاڭاجىلدىق مەرەكەلەردى ءار سىنىپ ءۇشىن جەكە- جەكە سىنىپ ساعاتى تۇرىندە وتكىزۋدى ۇسىنامىز»، - دەپ قورىتىندىلادى دارىگەر.

اۆتور: ايجان سەرىكجان قىزى


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات