USD 434.84 EUR 498.2
RUB 5.72 CNY 68.47
جاڭالىقتار

اگەنتتىك يپوتەكانى كەشىرۋ تۋرالى دايەكسىز اقپاراتتى جوققا شىعاردى

8 جەلتوقسان 13:40
:ءبولىسۋ
اگەنتتىك يپوتەكانى كەشىرۋ تۋرالى دايەكسىز اقپاراتتى جوققا شىعاردى

الماتى. قازاقپارات - قارجى نارىعىن رەتتەۋ جانە دامىتۋ اگەنتتىگى نەسيە راقىمشىلىعى ماسەلەسى بويىنشا دايەكسىز اقپاراتقا قاتىستى تۇسىنىك بەردى، دەپ حابارلايدى قازاقپارات ءتىلشىسى.

اگەنتتىكتەن ءمالىم ەتكەندەي، كەشە الەۋمەتتىك جەلىلەردە «يپوتەكالىق تۇرعىن ءۇي قارىزى بويىنشا كرەديت راقىمشىلىعى جاريالانىپتى- مىس» دەگەن اقپارات تاراتىلدى. وسىعان وراي قارجى نارىعىن رەتتەۋ جانە دامىتۋ اگەنتتىگى تاراتىلعان اقپاراتتىڭ دايەكسىزدىگىن مالىمدەدى.

«قازىرگى ۋاقىتتا 2007-2008 -جىلدارداعى الەمدىك قارجى داعدارىسىنان، سونداي- اق ۇلتتىق ۆاليۋتا باعامىنىڭ السىرەۋىنەن بارىنشا زارداپ شەككەن يپوتەكالىق قارىز الۋشىلاردىڭ جەكە ساناتىنا كومەك كورسەتۋ ءۇشىن اگەنتتىك 2015 -جىلدان يپوتەكالىق قارىزداردى قايتا قارجىلاندىرۋ باعدارلاماسىن ىسكە اسىرىپ جاتىر. وسىعان وراي، باعدارلاما تالاپتارى بويىنشا قارجىلىق قولداۋ 2004 - 2009 -جىلدار ارالىعىنداعى كەزەڭدە يپوتەكالىق قارىز العان، سونداي-اق، 2016 -جىلعى 1-قاڭتارعا دەيىن ۆاليۋتالىق يپوتەكالىق قارىز العان قارىز الۋشىلارعا كورسەتىلەدى. باعدارلامادا بەلگىلەنگەن قارجىلاي كومەك شارالارى جالعىز باسپاناسى بار قارىز الۋشىلار جانە حالىقتىڭ الەۋمەتتىك وسال توپتارى ساناتىنداعى بورىشكەرلەر ءۇشىن پايىزدىق مولشەرلەمەنى %3 عا دەيىن تومەندەتۋدى كوزدەيدى. قالعان ۆاليۋتالىق يپوتەكالىق قارىز الۋشىلار ءۇشىن پايىزدىق مولشەرلەمە %12 دان اسپايدى. بۇدان باسقا، باعدارلاما شەڭبەرىندە سىياقى، ايىپاقى (ءوسىمپۇل، ايىپپۇلدار) جانە كوميسسيا بويىنشا مەرزىمى وتكەن بەرەشەك ەسەپتەن شىعارىلدى. ۆاليۋتالىق يپوتەكالىق قارىزدارعا قاتىستى بەرەشەكتى ۇلتتىق بانكتىڭ 2015 -جىلعى 18-تامىزداعى باعامى بويىنشا (1 ا ق ش دوللارى ءۇشىن 188,35 تەڭگە) تەڭگەگە كونۆەرتاتسيالاۋ جۇرگىزىلدى. 2020 -جىلعى قاڭتاردان باستاپ باعدارلاماعا قاتىساتىن ح ءا و ت ساناتىنداعى يپوتەكالىق قارىز الۋشىلار ءۇشىن قوسىمشا كومەك شارالارى ىسكە اسىرىلۋدا. مۇنداي قارىز الۋشىلارعا قولداۋدى بانكتەر ولاردىڭ قارجىلىق جانە الەۋمەتتىك جاعدايىن جان- جاقتى تالداۋ نەگىزىندە جەكە تارتىپپەن كورسەتۋدە، تالداۋ ناتيجەلەرىنەن كەيىن بانكتەر قارىز بويىنشا بەرەشەكتى تومەندەتۋ جانە 20000 تەڭگە مولشەرىندەگى اي سايىنعى تولەممەن جەڭىلدىك بەرىلگەن كەستەلەر بەلگىلەۋ تۋرالى شەشىم قابىلدايدى. قارىز الۋشىلاردىڭ بۇل ساناتىنا قولداۋ كورسەتۋ 2021 -جىلدىڭ سوڭىنا دەيىن اياقتالادى. ازاماتتار مەن بۇقارالىق اقپارات قۇرالدارىنان دايەكسىز مالىمەتتەرگە سەنبەۋدى جانە رەسمي ءارى تەكسەرىلگەن دەرەككوزدەرىنەن عانا الىنعان اقپاراتتى باسشىلىققا الۋدى سۇرايمىز»، - دەلىنگەن حابارلامادا.

يپوتەكالىق قارىزداردى قايتا قارجىلاندىرۋ باعدارلاماسىنىڭ تالاپتارى مەن ناتيجەلەرى تۋرالى تولىعىراق اقپاراتتى اگەنتتىكتىڭ رەسمي سايتىنان الۋعا بولادى.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات