USD 434.84 EUR 498.2
RUB 5.72 CNY 68.47
جاڭالىقتار

وتانشىل ءارى ۇلتجاندى جاستار عانا ەلىمىزدى وركەندەتە الادى - قاسىم-جومارت توقايەۆ

8 جەلتوقسان 12:40
:ءبولىسۋ
وتانشىل ءارى ۇلتجاندى جاستار عانا ەلىمىزدى وركەندەتە الادى - قاسىم-جومارت توقايەۆ

نۇر-سۇلتان. قازاقپارات - جاسامپاز، وتانشىل ءارى ۇلتجاندى جاستار عانا ەلىمىزدى وركەندەتە الادى.

بۇل تۋرالى بۇگىن اقوردادا «تاۋەلسىزدىك قۇرداستارى» گرانتىن سالتاناتتى تابىستاۋ شاراسىندا مەملەكەت باسشىسى قاسىم-جومارت توقايەۆ ايتتى دەپ حابارلايدى قازاقپارات ءتىلشىسى.

«سىزدەر ناعىز دارىندى ادامدارسىزدار. سوندىقتان گرانتتارىڭىز قۇتتى بولسىن! سىزدەرگە ءوز جوبالارىڭىزدى ىسكە اسىرۋعا جاقسى مۇمكىندىك بەرىلىپ وتىر. قازاقتا «تالاپتىعا جول بەر» دەگەن ناقىل ءسوز بار. مەملەكەت جاستاردىڭ تالابىن ۇشتاۋعا بارىنشا جاعداي جاساپ كەلە جاتىر. اتقارىلىپ جاتقان اۋقىمدى جۇمىستىڭ، رەفورمالاردىڭ يگىلىگىن سىزدەر كورەسىزدەر دەپ بىلەمىن»، - دەدى قاسىم-جومارت توقايەۆ.

ق ر پرەزيدەنتى جاقىندا ەلباسى نۇرسۇلتان نازاربايەۆ جاستارعا تەرەڭ ماعىنالى ۇندەۋىن جولداعاندىعىن ەسكە سالىپ ءوتتى.

«وسكەلەڭ ۇرپاق اعا بۋىننىڭ ءۇمىتىن اقتايتىندىعى ءسوزسىز. سول ءۇشىن ءاربىر جاس بويىنا تەك جاقسى قاسيەتتەردى ءسىڭىرۋى كەرەك. ءاردايىم بىلىمگە قۇشتار، ەڭبەكقور بولۋ قاجەت. جاسامپاز، وتانشىل ءارى ۇلتجاندى جاستار عانا ەلىمىزدى وركەندەتە الادى. مەن سىزدەردى بولاشاقتا كاسىبي مامان، ءوز ءىسىنىڭ ناعىز مايتالمانى بولادى دەپ سەنەمىن. بارشاڭىزعا زور دەنساۋلىق، تولاعاي تابىس تىلەيمىن»، - دەدى مەملەكەت باسشىسى.

اۆتور: مارلان جيەمباي



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات