الماتىدا جاس جىگىتتى سوققىعا جىققان ادام ۇستالدى
الماتى قالالىق پوليتسيا دەپارتامەنتىندە وقيعا 5-جەلتوقساندا اقبۇلاق ىقشاماۋدانىندا بولعانىن ەسكە سالدى.
«كولىكتىڭ تۇراق ورنى ءۇشىن تۋىنداعان ەرەگىستە 39 جاستاعى جەرگىلىكتى تۇرعىن قارسىلاسىنا اۋىر دەنە جاراقاتتارىن سالدى. وقيعا ق ر ق ك-نىڭ 106-بابى بويىنشا سوتقا دەيىنگى تەرگەپ- تەكسەرۋدىڭ ءبىرىڭعاي تىزىلىمىنە تىركەلدى. قىلمىستى اشۋ، ونىڭ ءمان- جايىن انىقتاۋ جانە كىنالىنى جاۋاپقا تارتۋ ماقساتىندا الاتاۋ اۋداندىق پب جانىنداعى پوليتسيا بولىمىندە ارنايى جەدەل تەرگەۋ توبى قۇرىلدى»، - دەدى الاتاۋ اۋداندىق پوليتسيا باسقارماسىنىڭ باستىعى پوليتسيا پولكوۆنيگى ءىلياس ومىرسەرىكوۆ. كۇدىكتى انىقتالىپ، ۇستالدى.
ول 1982 -جىلى تۋعان پ. ەسىمدى ازامات. ەر ادام قاماۋعا الىندى. تەرگەۋ جالعاسۋدا. بۇعان دەيىن زارداپ شەككەن جىگىتتىڭ تۋىستارى توبەلەس كۋاگەرلەرىن ىزدەپ جاتقانى تۋرالى جازعان بولاتىنبىز. سونداي-اق، وقيعانىڭ ۆيدەوسى الەۋمەتتىك جەلىدە جاريالاندى.