USD 434.24 EUR 492.69
RUB 5.67 CNY 68.46
جاڭالىقتار

ساۋلە وماروۆا دجو بايدەن ۇسىنعان جوعارى لاۋازىمنان باس تارتتى

8 جەلتوقسان 10:50
:ءبولىسۋ
ساۋلە وماروۆا دجو بايدەن ۇسىنعان جوعارى لاۋازىمنان باس تارتتى

نۇر-سۇلتان.قازاقپارات - قازاقستان تۋماسى ساۋلە وماروۆا ا ق ش قارجى مينيسترلىگىنىڭ بانك رەتتەۋشىسى باسقارماسىنىڭ باسشىسى لاۋازىمىنان باس تارتتى. بۇل تۋرالى اق ءۇي وكىلدەرى سەيسەنبىدە ءمالىم ەتتى، دەپ حابارلايدى

Reuters اگەنتتىگىنىڭ مالىمەتىنشە، بۇعان دەيىن ونىڭ كانديداتۋراسىن ا ق ش پرەزيدەنتى دجو بايدەن ۇسىنعان بولاتىن. الايدا سەناتتاعى تىڭداۋ كەزىندە وماروۆا سىنعا ۇشىرادى. وماروۆا وتكەن ءومىرى ءۇشىن اقتالۋعا ءماجبۇر بولدى. ول كوممۋنيست ەمەس ەكەنىن جانە ونىڭ وتباسى مۇشەلەرى كوممۋنيزمنەن زارداپ شەككەنىن ايتتى.

«مەن ساۋلە وماروۆانىڭ بانك رەتتەۋشىسى باسقارماسىنىڭ باسشىسى لاۋازىمىنا كانديداتۋراسىن قايتارىپ الۋ تۋرالى ءوتىنىشىن قابىلدادىم»، دەلىنگەن بايدەننىڭ مالىمدەمەسىندە.

ساۋلە وماروۆا 1966 -جىلى ورال قالاسىندا دۇنيەگە كەلگەن. ماسكەۋ مەملەكەتتىك ۋنيۆەرسيتەتىن، ۆيسكونسين ۋنيۆەرسيتەتىن جانە سولتۇستىك- باتىس ۋنيۆەرسيتەتىن بىتىرگەن. زاڭ تانۋ دوكتورى دارەجەسى بار. قازاق، ورىس جانە اعىلشىن تىلدەرىن مەڭگەرگەن.

بۇعان دەيىن ا ق ش سەناتىندا بانك رەتتەۋشىسىنىڭ باسشىسى لاۋازىمىنا ساۋلە وماروۆانىڭ كانديداتۋراسىن ۇسىنۋ كەزىندە داۋ شىققانى حابارلانعان بولاتىن.

گاۋھار قاپاش

egemen.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات