USD 434.34 EUR 491.93
RUB 5.56 CNY 68.67
جاڭالىقتار

ارقا ءوڭىرى تۇرعىندارى ايازدان قالاي ساقتانۋ كەرەك

8 جەلتوقسان 10:03
:ءبولىسۋ
ارقا ءوڭىرى تۇرعىندارى ايازدان قالاي ساقتانۋ كەرەك

نۇر-سۇلتان.قازاقپارات - ارقاعا قىزىلشۇناق اياز جەتتى. بۇگىن سولتۇستىك قازاقستان، قوستاناي، اقمولا وڭىرلەرىندە كۇننىڭ ىزعارى 20 گرادۋستان استى.

قازگيدرومەتتىڭ بولجاۋىنشا، الداعى كۇندەرى ودان ءارى سۋىتىپ، سىناپ باعانى 30 گرادۋسقا دەيىن تومەندەيدى. ال ەلدە ۇسكىرىك باستالماي جاتىپ، اۋرۋحاناعا ءتۇسىپ جاتقاندار بار. ەرتىس وڭىرىنە قاتتى اياز كەلە قويعان جوق.

سارشۇناق اياز بولسا دا، بۇل اۋەسقوي بالىقشىلارعا كەدەرگى ەمەس. قارماعىن سايلاپ، وزەنگە كەلەتىندەر جەتەرلىك. ءبىر كۇندە 50 دەن استام بالىقشى جينالۋى مۇمكىن. بالىقشىلار ءۇشىن بۇل سۇيىكتى ءىس بولسا، قۇتقارۋشىلار ءۇشىن ناعىز قاۋىپتىڭ ءوزى. سەبەبى ايازعا دايىن بولماعان اۋەسقوي ءۇسىپ قالعانىن نەمەسە سۋىق ءتيىپ قالعانىن بىلمەي قالۋى مۇمكىن. وسى جولى مۇز ۇستىندە جاتقان شامامەن 40 جاستاعى ازامات تابىلدى. اۋەسقوي بالىقشى ەسسىز كۇيىندە بىرنەشە ساعات جاتىپ قالعان. دارىگەرلەردىڭ ايتۋىنشا، اعزاعا سۋىق تيگىزۋ ءۇشىن +10 گرادۋس تا جەتكىلىكتى.

رايىمبەك قاشكەنوۆ، ءبىرىنشى ساناتتاعى قۇتقارۋشى- سۇڭگۋىر:

- مۇزدىڭ ۇستىندە ەكى ادامنان توپتاسقان ءجون. بىرەۋىنە كومەك كەرەك بولسا، مامانداردى شاقىرۋ ءۇشىن. جىلى كيىم، پالاتكا مەن قۇتقارۋ قۇرالدارى بولعان ءجون. سۋىقتان زارداپ شەگۋ وقيعالارىن تىركەيمىز، ارينە. قاۋىپسىزدىك شارالارىن كۇشەيتىپ، تاۋلىكتىك كەزەكشىلىكتەمىز. حابار تۇسسە، بەس مينۋتتىڭ ىشىندە وقيعا بولعان جەرگە جەتەمىز.

ىستىق شاي، قۇرعاق كيىم جانە جىلى كورپەگە وراۋ. بۇل - سۋىق ءتيىپ قالعان ادامدى قۇتقارۋعا باعىتتالعان باستاپقى ارەكەتتەر. جاعداي كۇردەلەنسە، مەديتسينا قىزمەتكەرلەرىن شاقىرتۋ قاجەت. كەيىن ەم- دوم شارالارى جۇرگىزىلەدى.

مامانداردىڭ ايتۋىنشا، سۋىق تيىگىزىپ الۋ ءۇشىن ساناۋلى مينۋتتار جەتكىلىكتى. سونىمەن قاتار دالادا بىرنەشە ساعات جۇرگەن ادام ءۇسىپ قالعانىن سەزبەۋى دە مۇمكىن.

يگور كولەسنيچەنكو، اپاتتار مەديتسيناسى ورتالىعى وبلىستىق فيليالىنىڭ دارىگەرى:

- مەديتسينادا سۋىق تيگىزۋدىڭ ەكى ءتۇرى بار. بىرىنشىدەن، جالپى سالقىن تيۋ، ياعني اعزا تەمپەراتۋرانىڭ 34 گرادۋسقا دەيىن تومەندەۋى. بۇل ءومىر ءۇشىن قاۋىپتى. ەكىنشىدەن، دەنەنىڭ بەلگىلى ءبىر بولىگىنىڭ ءۇسىپ قالۋى. ماسەلەن، اياق- قولى توڭىپ قالۋى مۇمكىن. وسىنداي جاعدايدا ادامدى جىلدام جىلىتۋ كەرەك. الدىمەن شاي بەرىپ، كيىمىن اۋىستىرۋ كەرەك. كومەكتەسپەسە، دارىگەرگە قاراتۋ قاجەت.

قىس باستالعالى بەرى قالالىق اۋرۋحانانىڭ كۇيىك بولىمشەسىنە بەس ادام تۇسكەن. بارلىعى سۋىقتا ۇزاق ۋاقىت قالىپ قويعان. ابىروي بولعاندا، جاعدايلارى ورتاشا، ومىرلەرىنە قاۋىپ جوق.

اسحات ءمۇرسالىموۆ، قالالىق №1 اۋرۋحاناسى كۇيىك ءبولىمىنىڭ دارىگەرى:

- قاتىپ قالۋ، قىزارۋ، جەڭىل قىشۋ سەزىلسە - بۇل ءۇسۋدىڭ ءبىرىنشى دارەجەسى. ەكىنشى دارەجەدە تەرى سۋلانادى. تەرىنىڭ استىندا قاندى سۇيىقتىق جينالادى. ال ءتورتىنشى دارەجەدە تەرى قوڭىر تۇسكە اينالىپ، اعزانىڭ ۇسىگەن بولىگى جانسىزدانادى. بۇل ەڭ اۋىر ءتۇرى. وكىنىشتىسى وسىنداي جاعدايلار دا كەزدەسەدى. ءبىز ۇسىگەن دەنە بولىگىن امپۋتاتسيالاۋعا ءماجبۇرمىز.

دارىگەرلەردىڭ ايتۋىنشا، قيىن جاعدايعا تاپ بولعانداردىڭ باسىم بولىگى - تۇرعىلىقتى جەرى جوق ادامدار. ايازدى كۇندەرى ىشىمدىككە بوي ۇرعاندار دا وسى ساناتتا. ۇسىككە شالدىقپاۋ ءۇشىن قاراپايىم ساقتىق شارالارىن ەسكەرگەن ءجون. جىلى كيىنۋ مەن سۋىقتا ىشىمدىك ىشپەۋ سول قاراپايىم ەرەجەلەردىڭ نەگىزگىلەرى. ايازدى كۇندەرى الىس جولعا شىقپاعان دا ءجون.

اۆتورلارى: اقمارال ەسىمحانوۆا، سامات وسپانوۆ، جەڭىس تەمىربولات

www.24.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات