USD 434.34 EUR 491.93
RUB 5.56 CNY 68.67
جاڭالىقتار

ەستە ساقتاۋ قابىلەتى جاساعان رەكوردتار

8 جەلتوقسان 09:31
:ءبولىسۋ
ەستە ساقتاۋ قابىلەتى جاساعان رەكوردتار

نۇر-سۇلتان.قازاقپارات - ەۆوليۋتسيا جالعاسقان سايىن ادامنىڭ مۇمكىندىكتەرى مەن قابىلەتتەرى شارىقتاپ، ادام ميى ميلليونداعان اقپاراتتى ەسكە ساقتاي الاتىن بولادى. الايدا، ونداي ادامدار قازىردە وتە سيرەك كەزدەسەدى.

10-ورىن. وڭتۇستىك افريكانىڭ قوعام قايراتكەرى، ساياساتكەر يان حريستيان سمەتس قارتايعان جاسىندا 5000 كىتاپتى جاتقا ايتقان. ال بيرمالىق ۆيسيتتابم ۆۋمسا 1974 -جىلى 6000 بەت بۋددا كانونيكالىق ءماتىنىن اۋىزشا ايتىپ بەرگەن.

9-ورىن. جاپون حيدەاكي توموەري ماتەماتيكالىق ∏ (پي) سانىن، ياعني 3,14 دەپ جۋىقتالاتىن جانە ۇتىردەن كەيىن 40 000 بەلگىسى بار ماتەماتيكالىق تۇراقتى شامانى ەش جاڭىلماستان ايتقان.

8-ورىن. انكارا قالاسىنىڭ تۋماسى مەحمەد الي حاليسي 1967 -جىلى قازان ايىنىڭ 14 كۇنى 6 ساعات بويى «قۇران» كىتاپتىڭ 6666 اياتىن وقىپ شىققان. ونىڭ ەستە ساقتاۋ قابىلەتىنىڭ مىقتىلىعىن ءبىر توپ اكادەميك عالىمدار باقىلاعان.

7-ورىن. ۆالەري لاۆرينەنكو ەكى جارىم مينۋت ىشىندە 100 بەلگىنى، ال 3 مينۋتتا 200 بەلگىنى مۇدىرمەستەن ەسىنە ساقتاپ قالادى. جىبەرىلگەن قاتەلىكتەرى بولسا، ەڭ كوپ دەگەندە ءبىر نەمەسە ەكى رەت قاتەلەسەدى.

6-ورىن. ەستە ساقتاۋ شەبەرلىگى، اسىرەسە، تەلەفون ءنومىرىن ساقتاپ قالۋعا ەرەكشە پايدالى. قىتاي ازاماتى گۋ يانلين ءوزىنىڭ 26 جاسىندا حاربين قالاسىنىڭ 15 مىڭعا تارتا تەلەفون ءنومىرىن بىلگەن. تاسمانيا شتاتىنىڭ انىقتاما بولىمشەسىنىڭ وپەراتورى پاۋلا پرەنتيس 128603 تۇرعىننىڭ تەلەفون ءنومىرىنىڭ ابونەنتىن، اتى- ءجونىن، مەكەنجايىن، بولىمشە اتتارىن ەسىنە ساقتاپ قالعان. پاۋلاعا ءتىپتى جەرگىلىكتى قۇتقارۋ قىزمەتى ءجيى حابارلاسىپ كەرەكتى مالىمەتتەرىن الادى ەكەن.

5-ورىن. سامۆەل گاريبيان اينا قاتەسىز پارسى، بەنگال، ءپۇشتۋ سەكىلدى وننان استام شەت تىلىنەن شىققان 1000 ءسوزدى ايتىپ بەرە الادى.

4-ورىن. امەريكالىق باربارا مۋر پيانينو مۋزىكالىق اسپابىمەن 1852 اۋەندى ەستۋ سەزىم مۇشەسى ارقىلى ويناعان. ونىڭ ساۋىق كەشى 1988 -جىلى 25-قازان مەن 13 -قاراشا ارالىعىنا دەيىن جالعاسقان.

3-ورىن. 1996 -جىلى 24-ماۋسىمدا كانادا ەلىندەگى «گيننەسس رەكوردتار كىتابى» مۇراجايىندا دەيۆ فەرروۋ بىرىزدىلىگى اۋىستىرىپ قويىلعان 52 كارتادان تۇراتىن كولونانى ءبىر عانا كوز قىرى ارقىلى 6 عانا قاتەلىك جىبەرىپ ەسىنە ساقتاپ ۇلگەرگەن.

2-ورىن. پولياك فۋتبول كلۋبىنىڭ كاسسيرى لەوپولد حەلد ءوزىنىڭ 12 جىلدىق جۇمىس تاجىريبەسىندە كلۋبتىڭ بارلىق ويىن كورسەتكىشىن جانە ءار ويىننان تۇسكەن كىرىسىن ءالى كۇنگە دەيىن ەسىندە قالعان.

1-ورىن. بۇكىل الەمدەگى كازينو ورىندارى اعىلشىن دومينيك و’برايەنگە كازينو ويناۋعا تىيىم سالعان. ول كولودادا قانداي كارتالار قالعانىن ەستە ساقتاپ الىپ، قويعان باعاسىن بىردەن ءوسىرىپ جىبەرەدى ەكەن. دومينيك ءبىر ساعاتتىڭ ىشىندە 300 شەت تىلىندەگى ءسوزدى جاتتاپ الا الادى. ال 2-3 كۇننەن كەيىن سول تىلدە ەركىن وقيدى. 1994 -جىلى شەت تىلىندەگى سوزدەردى جاتتاۋ بويىنشا الەم چەمپيوناتىندا دومينيك 15 مينۋتتىڭ ىشىندە 156 قىتاي تىلىندەگى ءسوزدى ايتىپ، ءبىرىنشى ورىندى يەلەنگەن.

https://massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات