رەسەيدە كوروناۆيرۋستىڭ «وميكرون» شتامى انىقتالدى

ماسكەۋ. ت ا س س- قازاقپارات - رەسەيدە ءبىر تاۋلىكتە كوروناۆيرۋس جۇقتىرعاندار سانى 31096-عا كوبەيدى، 14-قازاننان بەرى بۇل كورسەتكىش ءبىرىنشى رەت 32 مىڭنان تومەن بولىپ وتىر، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

سالىستىرمالى تۇردە جاڭا جاعدايلاردىڭ ءوسۋ ۇلەسى -% 0,32. اتاپ ايتقاندا، ءبىر تاۋلىكتە سانكت- پەتەربۋرگتە 2381، ماسكەۋ وبلىسىندا 2208، كراسنويار ولكەسى مەن سامارا وبلىسىندا 781، ۆورونەج وبلىسىندا 717 جۇقتىرۋ جاعدايى تىركەلگەن. قازىرگى كەزدە 1016110 ادام ەم قابىلداپ جاتىر. ءولىم سانى ءبىر تاۋلىكتە 1182 گە كوبەيىپ، 283644 كە جەتتى. ءبىر كۇن بۇرىن بۇل كورسەتكىش 1184 بولعان. شتاب دەرەكتەرىنە ساي، شارتتى ءولىم سانى (ناقتى ءولىم سانى ەپيدەميا اياقتالعاننان كەيىن بەلگىلى بولادى) %2,88 عا وسكەن.

سونىمەن قاتار رەسەيدە كوروناۆيرۋستىڭ العاش رەت «وميكرون» شتامى انىقتالدى. ونى و ار - دان كەلگەن ەكى ازامات جۇقتىرعان. بارلىعى اتالعان رەيسپەن كەلگەن 10 ازاماتتان كوروناۆيرۋس انىقتالدى، قازىرگى كەزدە ولار وقشاۋلانعان.