گولوۆكين ەڭ كوپ سوققى جاسايتىن بوكسشىلار رەيتينگىنە ەندى

نۇر-سۇلتان. قازاقپارات - IBF جانە IBO نۇسقالارى بويىنشا ورتا سالماقتاعى الەم چەمپيونى گەننادي گولوۆكين (41-1-1، 36 ك و) ەڭ كوپ سوققى جاسايتىن الەم بوكسشىلارى قاتارىنا كىردى، دەپ حابارلايدى قازاقپارات ۆكونتاكتە الەۋمەتتىك جەلىسىندەگى «قازاقستاننىڭ كاسىپقوي بوكسى» پاراقشاسىنا سىلتەمە جاساپ.

بوكستا سوققىلاردى باعالاۋدىڭ Compubox كومپيۋتەرلەنگەن جۇيەسىنىڭ دەرەكتەرىنە ساي، گولوۆكين ورتاشا العاندا، ءبىر راۋندتا 64,2 سوققى جاسايدى.

بۇل - ورتا سالماق ساناتىنداعى ەكىنشى كورسەتكىش. ءبىر راۋندتا ەڭ كوپ سوققى جاسايتىن بوكسشى - رينگتە جەڭىلىپ كورمەگەن مەكسيكالىق حايمە مۋنگيا (38-0، 30 ك و). ول راۋندىنا 65,9 رەت ۇرادى.

ءبىر راۋندتا ەڭ كوپ سوققى جاسايتىن ورتا سالماقتاعى ۇزدىك التىلىق تومەندەگىدەي:

حايمە مۋنگيا - 65,9؛

گەننادي گولوۆكين - 64,2؛

سەرگەي دەريەۆيانچەنكو - 63؛

دەمەتريۋس اندرادە - 53,4؛

ريوتا مۋراتا — 50,3؛

دجەرمالل چارلو — 47,1.