استانالىق ايەل قار تازالايتىن تەحنيكانىڭ استىنا ءتۇسىپ، مەرت بولدى

نۇر-سۇلتان. قازاقپارات - 65 جاستاعى استانالىقتى قار تازالاپ جاتقان شاعىن كولىك باسىپ كەتتى، دەپ حابارلايدى قازاقپارات نۇر-سۇلتان قالالىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

«7- جەلتوقساندا ساعات 15:45 شاماسىندا شاعىن قار تازالايتىن كولىك جۇرگىزۋشىسى تىلەنديەۆ داڭعىلىنىڭ بويىندا قار تازالاپ جاتىپ، ارتقا شەگىنگەندە تروتۋارمەن كەلە جاتقان 65 جاستاعى جاياۋ جۇرگىنشىنى باسىپ كەتتى. جول-كولىك وقيعاسى سالدارىنان ايەل وقيعا ورنىندا قازا تاپتى. اتالعان فاكتى بويىنشا قىلمىستىق ءىس قوزعالدى. تەرگەۋ ءجۇرىپ جاتىر»، - دەلىنگەن حابارلامادا.