USD 425.02 EUR 450.1
RUB 7.17 CNY 63.75
جاڭالىقتار

وتىرعىزىلعان كوشەتتەردىڭ قانشا پايىزى جەرسىنىپ كەتەدى: مينيسترلىك جاۋابى

7 جەلتوقسان 20:44
:ءبولىسۋ
وتىرعىزىلعان كوشەتتەردىڭ قانشا پايىزى جەرسىنىپ كەتەدى: مينيسترلىك جاۋابى

نۇر-سۇلتان. قازاقپارات - ەل اۋماعىندا جىل سايىن كوكتەم مەن كۇزدە اعاش وتىرعىزۋ اكسياسى قارقىندى ءجۇرىپ كەلەدى.

وسى ورايدا سول وتىرعىزىلعان اعاش تۇپتەرىنىڭ قانشا پايىزى جەرسىنىپ، ناتيجەسىن بەرىپ جاتىر؟

بۇل سۇراققا ق ر ەكولوگيا، گەولوگيا جانە تابيعي رەسۋرستار ۆيتسە-ءمينيسترى ءاليا شالابەكوۆا جاۋاپ بەردى، دەپ حابارلايدى قازاقپارات ءتىلشىسى.

«بىزدەگى وتىرعىزىلعان اعاش تۇپتەرىنىڭ جەرسىنۋ كورسەتكىشى %65 قۇرايدى. ەگەر جىل قۇرعاق نەمەسە قاتتى اياز بولسا، وندا كوشەتتەر وسپەي قالۋى مۇمكىن. وسپەي قالعان جاعدايدا ول جەردە سول اعاش نەمەسە باسقا وسىمدىك ءتۇرى وتىرعىزىلادى. وسى جايتتاردى ەسكەرە كەلە ءبىز %65 دەپ بولجام وتىرمىز. جالپى ەگىلگەن اعاش كوشەتىنىڭ تىرشىلىگىن جالعاستىرۋى كليماتتىق جاعدايلارعا بايلانىستى»، - دەدى ا. شالابەكوۆا ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، بۇگىندە ەل اۋماعىندا نەگىزىنەن سەكسەۋىل، قاراعاي، قايىڭ، شەگىرشىن جانە تاعى اعاش تۇرلەرى وتىرعىزىلىپ جاتىر.

«مىسالى، سەكسەۋىلدى الساق ونىڭ جەرسىنۋى قيىن، شامامەن %20-25 عانا ۇلاسىپ ءوسىپ كەتەدى. وزدەرىڭىز بىلەتىندەي، اتالعان اعاش ءتۇرى شولەيتتى اۋماقتاردا وسەدى. سونداي-اق، ءبىز بۇگىندە ارال تەڭىزىنىڭ قۇرعاپ قالعان ورنىندا اعاش وتىرعىزۋمەن اينالىسىپ جاتىرمىز. ول جەردە سەكسەۋىلدىڭ جەرسىنىپ كەتۋ كورسەتكىشى %20-25 اسپايدى»، - دەيدى ول.

سونداي-اق، ۆيتسە-مينيستر وتىرعىزىلعان اعاش كوشەتتەرىنىڭ ءوسۋى كۇتىمگە دە بايلانىستى ەكەنىن ايتىپ ءوتتى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات