زەينەتاقى جيناعى: ەڭبەك مينيسترلىگى جەتكىلىكتى شەكتىڭ وزگەرۋىنە تۇسىنىكتەمە بەردى
7 جەلتوقسان 19:39

زەينەتاقى جيناعى: ەڭبەك مينيسترلىگى جەتكىلىكتى شەكتىڭ وزگەرۋىنە تۇسىنىكتەمە بەردى

نۇر-سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ مينيسترلىگى زەينەتاقى جيناعىنىڭ جەتكىلىكتىلىك شەگىنە قاتىستى ەشقانداي وزگەرىستەر ەنگىزبەگەن، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.

ۆەدومستۆو تاراتقان اقپاراتقا قاراعاندا، بارلىق ەسەپ ايىرىسۋلاردى ءبىرىڭعاي جيناقتاۋشى زەينەتاقى قورى جۇرگىزدى.

«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭعا سايكەس جەتكىلىكتىلىك شەگى - بەلگىلى ءبىر جاستاعى سالىمشى ءۇشىن زەينەتاقى جيناقتارىنىڭ ەڭ تومەنگى قاجەتتى سوماسى، ول ب ج ز ق- عا تۇراقتى %10 جارنالاردى ەسكەرە وتىرىپ، بولاشاقتا ونى ەڭ تومەنگى زەينەتاقى مولشەرىنەن تومەن ەمەس مولشەردە زەينەتاقى تولەمدەرىمەن قامتاماسىز ەتۋگە مۇمكىندىك بەرەدى. جوعارىدا اتالعان كورسەتكىشتەردىڭ كەز كەلگەنىن وزگەرتۋ اۆتوماتتى تۇردە جەتكىلىكتىلىك شەگىن قايتا ەسەپتەۋگە الىپ كەلەتىنىن اتاپ ءوتۋ قاجەت. وسىعان بايلانىستى ەڭبەكمينى ادىستەمە بەكىتىلگەنگە دەيىن جەتكىلىكتىلىك شەگى جىل سايىن قايتا ەسەپتەلەتىنى تۋرالى بىرنەشە رەت (2020-جىلعى قىركۇيەكتەن جەلتوقسانعا دەيىنگى كەزەڭدە) حابارلادى.

«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭعا سايكەس زەينەتاقى جۇيەسىنىڭ جيناقتاۋشى سەگمەنتىندە ساياساتتى ىسكە اسىرۋدى، ونىڭ ىشىندە جوعارىدا كورسەتىلگەن ادىستەمە نەگىزىندە جەتكىلىكتىلىك شەگىن ەسەپتەۋدى ءبىرىڭعاي وپەراتور ب ج ز ق اتىنان جۇزەگە اسىرادى. سونداي-اق، زاڭ جۇزىندە ب ج ز ق- نىڭ ءوز قىزمەتى تۋرالى كونسۋلتاتيۆتىك جانە ءتۇسىندىرۋ جۇمىستارىن جۇزەگە اسىرۋ مىندەتى تىكەلەي كوزدەلەدى»، - دەلىنگەن حابارلامادا.

تيىسىنشە، ەڭبەكمينى قۇزىرەتكە يە ەمەس، سونداي-اق ونىڭ ب ج ز ق ەسەپتەيتىن ەڭ تومەنگى جەتكىلىكتىلىك شەكتەرىنىڭ انىقتىعىن قانداي دا ءبىر راستاۋعا مۇمكىندىك بەرەتىن مالىمەتتەرى بولمايدى.

ەسكە سالايىق، 2022-جىلى ءبىرجولعى زەينەتاقى تولەمىن الۋدىڭ جەتكىلىكتىلىك شەگى 1,8 ەسە كوتەرىلەدى. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حاتشىسى الەكساندر كونونەتس اتالعان شەكتى مولشەر نەلىكتەن ارتتىرىلاتىنىن ءتۇسىندىردى.

جاڭالىقتار