ايدا بالايەۆا وزبەكستاننىڭ كينەماتوگرافيا اگەنتتىگى باسشىسىمەن كەزدەستى

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى ايدا بالايەۆا وزبەكستان رەسپۋبليكاسى كينەماتوگرافيا اگەنتتىگىنىڭ باس ديرەكتورى فيرداۆس ابدۋحاليكوۆپەن كەزدەسۋ وتكىزدى، دەپ حابارلايدى قازاقپارات.

مينيسترلىك مالىمەتىنە سايكەس، ايدا بالايەۆا تەلەۆيزيالىق سەريالدار، دەرەكتى فيلمدەر ءوندىرىسىن قامتاماسىز ەتۋ جانە پروداكشن- يندۋستريانى دامىتۋ بويىنشا جۇرگىزىلىپ جاتقان جۇمىستار تۋرالى ايتىپ بەردى. ءوز تاراپىنان فيرداۆس ابدۋحاليكوۆ ءمينيستردى وزبەكستانداعى كينەماتوگرافيا سالاسىنىڭ جاي- كۇيى، پەرسپەكتيۆالارىمەن تانىستىردى.

«تاراپتار ەكى ەلدىڭ تەلەارنالارىندا كورسەتۋ ءۇشىن كينو ونىمدەرىمەن الماسۋ، بىرلەسكەن تەلەۆيزيالىق جوبالار قۇرۋ ماسەلەلەرىن تالقىلادى. كەزدەسۋ قورىتىندىسى بويىنشا تاراپتار ەكى ەلدىڭ كينەماتوگرافيا جانە تەلەديدار ونىمدەرى سالاسىنداعى ىنتىماقتاستىعىن ودان ءارى دامىتۋعا نيەت ءبىلدىردى»، - دەلىنگەن ق ر اقپارات جانە قوعامدىق دامۋ مينيسترلىگىنىڭ حابارلاماسىندا.