ساۋساعىنان ساقيناسىن شىعارا الماعان وقۋشى قۇتقارۋشىلارعا جۇگىندى

None
None
ساران. قازاقپارات - قۇتقارۋشىلار 16 جاستاعى جاسوسپىرىمنىڭ ساۋساعىنان ساقينانى شەشتى. ساۋساق ىسىنگەندىكتەن ساقينادان شىقپاي قالعان، دەپ حابارلايدى قازاقپارات.

توتەنشە جاعدايلار مينيسترلىگىنىڭ مالىمەتىنە سۇيەنسەك، وقيعا كەشە تۇستەن كەيىن بولعان. ت ج د- عا ساران قالاسىنىڭ ورتالىق اۋرۋحاناسىنان 10-سىنىپ وقۋشىسى ساقينانى شەشە الماي قالعانى جانە قۇتقارۋشىلاردىڭ كومەگى قاجەت بولعانى جايلى حابار تۇسكەن.

بەلگىلى بولعانداي، ساقينا 5 كۇن بۇرىن تاعىلعان جانە باسىندا وڭاي الىنىپ، سالىنعان. ءبىراق كەيىننەن بالا وزدىگىنەن شەشە الماعان. ساقينانى الىپ تاستاۋعا ءارتۇرلى ارەكەتتەر جاسالدى، ءتىپتى بولگاركامەن كەسۋگە تىرىسقان، الايدا سونىڭ سالدارىنان ساۋساق تەرىسىن جاراقاتتاپ العان. ناتيجەسىندە ساۋساق ودان دا قاتتى ءىسىنىپ كەتكەن. قۇتقارۋشىلار قۇرالدىڭ كومەگىمەن جاسوسپىرىمنىڭ ىسىنگەن ساۋساعىنان ساقينانى شىعاردى.

سوڭعى جاڭالىقتار