ەلىمىزدە ارناسىن باتپاق پەن قالىڭ ءشوپ باسقان وزەندەر اتالدى

نۇر- سۇلتان. قازاقپارات - قازاقستاندا قانداي وزەندەردىڭ ارناسىن قالىڭ ءشوپ پەن باتپاق باسۋ قاۋپى بار؟ بۇل سۇراققا ق ر سيفرلىق دامۋ، قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ ءتوراعاسى باۋبەك ورالماعامبەتوۆ جاۋاپ بەردى، دەپ حابارلايدى قازاقپارات ءتىلشىسى.

«ءبىز مەملەكەتتىك ورگانداردىڭ تاپسىرىسىمەن ەلىمىزدەگى سۋ قويمالارىنىڭ رەجيمى مەن وزەن- كولدەرگە عارىشتىق مونيتورينگ ارقىلى باقىلاۋ جۇرگىزەمىز. سونداي- اق، اۋىل شارۋاشىلىعى جانە مال جايىلىمى ءۇشىن قولدانىلاتىن سۋ قويمالارى دا قاداعالانادى. ودان بولەك، عارىشتىق مونيتورينگ ارقىلى سۋ تاسقىنىن بولجاۋ جانە الدىن الۋدىڭ دا مۇمكىندىگى بار. بولجامدى ءبىز قازگيدرومەت ۇسىنعان دەرەكتەردىڭ نەگىزىندە عارىشتىق ءتۇسىرىلىم ارقىلى جاسايمىز. سۋ تاسقىنى بويىنشا بولجامدى سىناق ەرتىس وزىنەنە جۇرگىزىلدى»، - دەدى باۋبەك ورالماعامبەتوۆ و ك ق- دە وتكەن باسپا ءسوز ءماسليحاتىندا.

سونداي- اق، سپيكەر ەلىمىزدە وزەندەر ارناسىنىڭ باتپاقتانۋى مەن قالىڭ ءشوپتىڭ قاپتاۋى بويىنشا دا عارىشتىق مونيتورينگ جۇرگىزىلگەنىن ايتتى.

«2020-2021 -جىلعى عارىشتىق مونيتورينگ دەرەگى بويىنشا ىلە، جايىق، سىرداريا، ەرتىس، ەسىل، شىلىك، نۇرا، سارىسۋ، توبىل، اقسۋ، اسا جانە شۋ وزەنى ارناسىندا قالىڭ ءشوپ وسكەن 2 مىڭ گەكتار جەر انىقتالدى. سونداي- اق، اتالعان وزەندەردىڭ 47,7 مىڭ گەكتار اۋماق جەر باتپاق باسقان. ءوز كەزەگىمىزدە بۇل اقپاراتتى ءتيىستى شارا قابىلداۋ ءۇشىن قۇزىرلى ورگاندارعا جىبەردىك»، - دەيدى ول.