پاريجدە ابايعا ەسكەرتكىش- بيۋست ورناتىلدى
شارا قازاقستان تاۋەلسىزدىگى مەن ەكى ەل اراسىندا ديپلوماتيالىق قاتىناستاردىڭ 30 جىلدىعىنا ارنالدى. ءمۇسىندى قازاقستان- فرانسيا ىسكەرلىك كەڭەسىنىڭ مۇشەلەرى ايدانا كارىبجانوۆا مەن گي سيدوستىڭ مۇرىندىق بولۋىمەن ورناتىلدى. ءمۇسىننىڭ اۆتورى - ەربول زيابەكوۆ. سالتاناتتى شاراعا پاريج قالاسى 16-وكرۋگىنىڭ ءمەرى فرانسيس سپينەر، نۇر- سۇلتان قالاسىنىڭ اكىمى التاي كولگىنوۆ، ق ر فرانسياداعى ەلشىسى جان عاليەۆ، فرانتسيا استاناسى ءمەرىنىڭ ورىنباسارى ارنو نگاتچا جانە فرانتسياداعى قازاق قايراتكەرى تۋرالى زەرتتەۋلەرمەن اينالىساتىن البەرت فيشلەردىڭ قىزى اننا گلاس سياقتى مەيماندار قاتىسىپ، ءسوز سويلەدى.
ايتا كەتۋ كەرەك، «Square des poètes» ساياباعىندا فرانتسۋز ادەبيەتىنىڭ ابىزدارىنا ارنالعان ەسكەرتكىشتەر ورناتىلعان. بۇعان دەيىن شەتەلدىك اقىنداردان تەك پۋشكيننىڭ ءمۇسىنى عانا قويىلعان بولاتىن. اقىندار گۇلزارىنىڭ كىتاپحاناسىندا وقىرمان قاۋىمعا ابايدىڭ فرانسۋز تىلىندەگى كىتاپتارى تانىستىرىلدى. ءمۇسىننىڭ اشىلۋ راسىمىندە «ايتتىم، سالەم، قالامقاس» جانە «كوزىمنىڭ قاراسى» اندەرى شىرقالدى. سالتاناتتى راسىمگە فرانسيا پرەزيدەنتى اكىمشىلىگىنىڭ، سىرتقى ىستەر مينيسترلىگىنىڭ وكىلدەرى، دەپۋتاتتار، ىسكەرلىك بيزنەس جانە قازاق دياسپوراسىنىڭ وكىلدەرى قاتىستى.
