قازاقستاندا يلون ماسك كومپانياسىنىڭ سپۋتنيكتىك ينتەرنەتى سىناقتان وتكىزىلمەك

None
None
نۇر- سۇلتان. قازاقپارات - كەلەر جىلى ەلىمىزدە الەمدەگى ەڭ باي ادامداردىڭ ءبىرى يلون ماسك باسقاراتىن كومپانيانىڭ سپۋتنيكتىك ينتەرنەتى سىناقتان وتكىزىلمەك.

بۇل تۋرالى ق ر سيفرلىق دامۋ، قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ ءتوراعاسى باۋبەك ورالماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.

ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتى بارىسىندا ءتىلشى:

«قازاقستاندىقتاردى ساپالى ينتەرنەتپەن قامتۋ ماقساتىندا ا ق ش ميللياردەرى يلون ماسكتىڭ كومپانياسىمەن كەلىسىم قالاي ءجۇرىپ جاتىر؟ ەلىمىزدە اتالعان كومپانيانىڭ سپۋتنيكتىك ينتەرنەتىن تەستىلەۋ جۇمىسى باستالدى ما؟»، - دەگەن سۇراق قويدى. سۇراققا ق ر سيفرلىق دامۋ، قورعانىس جانە اەروعارىش ونەركاسىبى مينيسترلىگى اەروعارىش كوميتەتىنىڭ ءتوراعاسى باۋبەك ورالماعامبەتوۆ جاۋاپ بەردى.

«بۇگىندە ەلىمىزدەگى سپۋتنيكتىك ينتەرنەت جانە تەليەۆيزيالىق تاراتۋدى «KazSat-2» جانە «KazSat-3» سپۋتنيگى قامتاماسىز ەتىپ وتىر.

قازىر الەمدە امان تالابى مەن سۇرانىسىنا ساي ساپالى جانە جوعارى جىلدامدىقتاعى ينتەرنەت ۇسىناتىن كومپانيالاردىڭ قاتارى كوبەيىپ كەلەدى. جالپى ساپالى ينتەرنەت تۋرالى اڭگىمە قوزعايتىن بولساق، ونىمەن اينالىساتىن بۇگىندە الەمدە 3 ءىرى كومپانيا بار. ول One Web، SES جانە Starlink (SpaceX) كومپانياسى. بيىل ەلىمىزدە One Web كومپانياسىمەن بىرلەسىپ 2 رەت تەحنيكالىق تۇرعىدان تەستىلەۋ جۇرگىزدىك. ياعني ينتەرتتىڭ جىلدامدىعى مەن تەحنيكالىق سايكەستىگىن سىناقتان وتكىزدىك. بۇل باعىتتاعى جۇمىس پيلوتتىق جوبا رەتىندە جالعاسا بەرەدى»، - دەدى ب. ورالماعامبەتوۆ.

ونىڭ ايتۋىنشا، 2022 -جىلى قازاقستاندا جاڭا سپۋتنيكتىك ينتەرنەت قىزمەتى سىناقتان وتكىزىلەدى.

«SES» تۋرالى ايتار بولساق، بۇل كومپانيانىڭ سپۋتنيكتىك ينتەرنەت قىزمەتىن الماتى وبلىسىندا سىناۋدى تاياۋدا عانا باستادىق. بۇگىندە سىناق جالعاسىپ جاتىر. Starlink كومپانياسىنا كەلسەك، ول بويىنشا كەلەر جىلدىڭ ءبىرىنشى توقسانىندا پيلوتتىق جوبا رەتىندە ەلىمىزدە ىسكە اسىرۋ جوسپارى تۇر. بۇگىندە اتالعان كومپانيامەن كەلىسىمگە كەلىپ جاتىرمىز. ودان ءارى جۇزەگە اسىرىلىپ جاتقان پيلوتتىق جوبالاردىڭ ناتيجەسى مەن كورسەتكىشىنە قاراي ناقتى شەشىم قابىلداناتىن بولادى» - دەيدى ول.


سوڭعى جاڭالىقتار