مينيسترلىك زەينەتاقى جيناعىن دەپوزيتكە اۋدارۋ مۇمكىندىگىن ءتۇسىندىردى

None
None
نۇر-سۇلتان. قازاقپارات - ءبىرىڭعاي جيناقتىق زەينەتاقى قورىنداعى ەڭ تومەن جەتكىلىكتى شەكتەن ارتىلعان قارجىنى «وتباسى بانكتەگى» دەپوزيتكە اۋدارۋ مۇمكىندىگى تۋرالى تاراعان اقپاراتتىڭ «ارنايى شوتقا» قاتىسى جوق.

بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتى ايتتى، دەپ حابارلايدى قازاقپارات ءتىلشىسى.

ب ج ز ق- داعى ەڭ تومەن جەتكىلىكتى شەكتەن ارتىلعان اقشانى «وتباسى بانك» دەپوزيتىنە اۋدارۋ تەك 2022-جىلدان باستاپ مۇمكىن بولاتىنى تۋرالى حابار تاراعان بولاتىن.

«مينيسترلىك مەملەكەت باسشىسىنىڭ 2021-جىلعى 1- قىركۇيەكتەگى «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا جولداۋىن ەسكەرە وتىرىپ، تۇرعىن ءۇي جاعدايىن جاقسارتۋ ءۇشىن ءبىرجولعى زەينەتاقى تولەمدەرىن پايدالانۋ قاعيدالارىنا وزگەرىستەر ەنگىزۋدى كوزدەيتىن بۇيرىق جوباسىن ازىرلەپ، 24- قىركۇيەكتە مۇددەلى مەملەكەتتىك ورگاندارعا كەلىسۋگە جىبەرگەن بولاتىن. ءبىرىڭعاي ۇستانىمدى ازىرلەگەننەن جانە ەڭبەك مينى، ق ر ۇ ب، قارجى نارىعىن رەتتەۋ جانە دامىتۋ اگەنتتىگى ماقۇلداۋ بەرگەن سوڭ قاعيدالار زاڭدى كۇشىنە ەنەدى»، - دەلىنگەن رەسمي مالىمەتتە.

ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ ماماندارى «وتباسى بانك» دەپوزيتىن ءبىرجولعى زەينەتاقى تولەمىن ەمدەلۋ مەن تۇرعىن ءۇي ماسەلەسىن شەشۋ ءۇشىن اشقان ارنايى شوتپەن شاتاستىرۋعا بولمايتىنىن ايتادى. ايتۋلارىنشا، بۇل ءبىرجولعى زەينەتاقى تولەمدەرىن باسپانا ماسەلەسىنە جۇمساۋدىڭ جولىن جەڭىلدەتە تۇسەتىن قادام بولماق.

«قازاقستاندىقتار «وتباسى بانك» ارقىلى يپوتەكا راسىمدەۋ ءۇشىن دەپوزيت اشىپ، سوعان سالىم سالۋ ارقىلى، باستاپقى جارناعا قاجەت سومانى جيناقتاپ كەلدى. ەندى سول دەپوزيتكە ب ج ز ق- داعى ەڭ تومەن جەتكىلىكتى شەكتەن ارتىلعان سومانى بىردەن اۋدارۋعا بولاتىنداي جاعداي جاساماقشىمىز. بۇگىنگى جاڭالىقتىڭ ءمانى وسىندا. ال «وتباسى بانكتەگى» ءبىرجولعى زەينەتاقى تولەمىن ەمدەلۋ مەن تۇرعىن ءۇي ماسەلەسىن شەشۋ ءۇشىن پايدالانۋعا ارناپ اشىلعان «ارنايى شوتقا» ەشكىم شەكتەۋ قويىپ وتىرعان جوق. بۇرىنعىسىنشا ەمدەۋگە دە، تۇرعىن ءۇي ماسەلەسىن شەشۋگە دە اقشا اۋدارىلا بەرەدى»، - دەپ ءتۇسىندىردى مينيسترلىكتىڭ باسپا ءسوز قىزمەتىنىڭ ماماندارى.

ەسكە سالايىق، 2022-جىلى ءبىرجولعى زەينەتاقى تولەمىن الۋدىڭ جەتكىلىكتىلىك شەگى 1,8 ەسە كوتەرىلەدى.

ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حاتشىسى الەكساندر كونونەتس اتالعان شەكتى مولشەر نەلىكتەن ارتتىرىلاتىنىن ءتۇسىندىردى.

سوڭعى جاڭالىقتار