تۇركىستاندىق دارىگەرلەر ا ق ش- تا ءبىلىم الىپ جاتىر

تۇركىستان. قازاقپارات - تۇركىستان وبلىسىنىڭ مەديتسينا ماماندارى ا ق ش مەملەكەتىنىڭ حارۆەست قالاسىندا بىلىكتىلىكتەرىن ارتتىرىپ جاتىر، دەپ حابارلايدى قازاقپارات ءتىلشىسى.

دارىگەرلەر BLS، ACLS، PALS باعدارلامالارى بويىنشا جەدەل مەديتسينا نۇسقاۋشىلارىن دايارلاۋ تاقىرىبىندا ءبىلىم الىپ، ەرەسەكتەر مەن بالالارعا العاشقى كومەك كورسەتۋ بويىنشا شەبەرلىكتەرىن شىڭداۋدا.

امەريكا قۇراما شتاتتارىنا اتتانعان ارنايى توپ تۇركىستان، كەنتاۋ قالالارىنان جانە ورداباسى، جەتىساي اۋداندارىنىڭ 11 مەديتسينالىق قىزمەتكەرىنەن جاساقتالعان.

وقۋدا جينالعان تاجىريبە وبلىس مەديتسيناسىنىڭ ساپاسىن ارتتىرۋعا مۇمكىنشىلىك بەرەدى.

ايتا كەتەيىك، مۇنىڭ الدىندا تۇركىستاندىق 30 دارىگەر ىستانبۇل قالاسىندا بىلىكتىلىگىن ارتتىرىپ، تاجىريبەسىن شىڭداپ كەلگەن بولاتىن.

بۇل تاجىريبە الماسۋ وڭىردەگى مەديتسينا قىزمەتىنىڭ ساپاسىن ارتتىرۋعا ۇلكەن مۇمكىنشىلىك بەرەدى دەپ كۇتىلىپ وتىر.

جالپى، بيىل تۇركىستان وبلىسىنىڭ اۋرۋحانالارى مەن ەمحانالارىندا ەڭبەك ەتەتىن 3000 عا جۋىق مەديتسينا قىزمەتكەرى بىلىكتىلىگىن ارتتىرعان.