ءبىلىم مينيسترلىگى مەكتەپكە دەيىنگى ءبىلىم بەرۋدەگى كەمشىلىكتەردى اتادى
بۇل تۋرالى ق ر ب ع م ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى گۇلزات كوبەنوۆا ايتتى، دەپ حابارلايدى قازاقپارات ءتىلشىسى.
«مەكتەپكە دەيىنگى ۇيىمداردا 2011 -جىلدان باستاپ ليتسەنزيالاۋ جۇرگىزىلمەيدى. ءبىراق، 2012 -جىلدان باستاپ مەملەكەتتىك اتتەستاتتاۋ جۇرگىزىلەدى. بۇگىنگى كۇنى مەملەكەتتىك اتتەستاتتاۋ 81 مەكتەپكە دەيىنگى ۇيىمدا وتكىزۋ جوسپارلانىپ وتىر. مەملەكەتتىك اتتەستاتتاۋ جاڭا فورماتىنىڭ ەرەكشىلىگى - ءبىلىم بەرۋ ۇيىمىنا بارماي 5 جىلدا ءبىر رەت ءوزىن ءوزى باعالاۋ نەگىزىندە وتكىزۋ»، - دەدى ول مينيسترلىكتىڭ اپپارات جينالىسىندا.
ونىڭ ايتۋىنشا، بۇگىنگى كۇنى 81 مەكتەپكە دەيىنگى ۇيىمنىڭ 77-سىندە مەملەكەتتىك اتتەستاتتاۋ جۇرگىزىلدى. ءبىراق، 78 پايىزى اتتەستاتسيادان وتپەدى. اتتەستاتتالماعان مەكتەپكە دەيىنگى ءبىلىم بەرۋ ۇيىمدارىنىڭ باسىم بولىگى الماتى، اتىراۋ، سولۇستىك قازاقستان وبلىستارىندا ورنالاسقان.
«مەملەكەتتىك اتتەستاتتاۋ ماتەريالىن تالداۋ مەكتەپكە دەيىنگى ۇيىمداردىڭ مەملەكەتتىك جالپىعا مىندەتتى ستاندارت تالاپتارىن بۇزاتىندىعىن كورسەتىپ وتىر. سنىڭ ىشىندە باعدارلامالاردىي گەرۋ كەزىندە جاس ەرەكشەلىكتەرىن، وقۋ ساباقتارىنىڭ ۇزاقتىعىن ساقتاماۋ، توپتاردىڭ ەڭ تومەنگى ماتەريالدىق- تەحنيكالىق بازاسى مەن وقۋ- ادىستەمەلىك جابدىقتالۋىنىڭ سايكەسسسىزدىگى، ەرەكشە ءبىلىم بەرۋگە قاجەتتىلىگى بار بالالار ءۇشىن جاعداي جاساماۋ بار»، - دەدى كوميتەت ءتوراعاسى.
گۇلزات كوبەنوۆانىڭ اتاپ وتۋىنشە، مەكتەپكە دەيىنگى ءبىلىم بەرۋ ۇيىمدارىنداعى قىزمەتتەرگە اتا- انالاردىڭ قاناعاتتانۋ دەڭگەيىن انىقتاۋ ءۇشىن ساۋالناما جۇرگىزىلگەن.
«ساۋالنالاردى الدىن الا تالداۋ مەكتەپكە دەيىنگى مەكەمەلەردە دەنساۋلىق ساقتاۋدىڭ قاراپايىم داعدىلارىن ءتيستى دەڭگەيدە ۇيرەتپەيتىندىگىن كورسەتتى. مىسالى، تۇركىستان وبلىسىندا، الماتى، سولتۇستىك قازاقستان وبلىستارىندا تاربيەشىلەر بالالاردى گيگيەنالىق پروتسەدۋرالاردى ءوز بەتىنشە ورىنداۋعا، قاۋىپسىزدىك ەرەكشەلەرىن ساقتاۋعا ۇيرەتپەيدى. مەكتەپ الدىنداعى بالالاردىڭ تانىمدىق داعدىلارىن دامىتۋدا دا پروبلەمالار انىقتالدى. اتاپ ايتار بولساق، اقمولا، پاۆلودار، تۇركىستان وبلىستارىندا بالالاردىڭ 16 پايىزى وقۋعا قىزىعۋشىلىق تانىتپايدى. بالالار قالام ۇستاي المايدى، سۋرەت سالا المايدى. قىزىلوردا، باتىس قازاقستان وبلىستارىندا بالالاردىڭ 13 پايىزىندا ۋاقىت سياقتى قاراپايىم ماتەماتيكالىق ۇعىم تۋرالى تۇسىنىك قالىپتاسپاعان. اقتوبە، تۇركىستان، شىعىس قازاقستان وبلىستارىندا بالالاردىڭ 6 پايىزىندا كونسترۋكتيۆتى داعدىلار جوق، ياعني توپپەن جۇمىس ىستەي المايدى. قوستاناي، ماڭعىستاۋ وبلىستارىندا، نۇر- سۇلتان قالالالارىندا بالالاردىڭ 4 پايىزى انا تىلىندەگى دىبىستاردى دۇرىس ايتا المايدى. سونىمەن قاتار اقمولا، قىزىلوردا وبلىستارىنىڭ جانە شىمكەنت قالاسىنىڭ اتا- انالارى مەكتەپكە دەيىنگى ءبىلىم بەرۋ ساپاسىنا قاناعاتتانبايتىندىعىن اتاپ ءوتتى. ال اتىراۋ وبلىسىندا اتا- انالاردىڭ ورنىنا ساۋالنامانى بالاباقشا اكىمشىلىگىنىڭ تولتىرۋى انىقتالدى»، - دەدى كوميتەت ءتوراعاسى.
اۆتور: مارلان جيەمباي