بوكسشىلار ءبىر ۋاقىتتا ءبىر- ءبىرىن نوكداۋنعا جىبەردى

كانبەررا. قازاقپارات - 3-جەلتوقساندا نورتبريدجدە (اۋستراليا) دجو ماككوي مەن فانو كوري اراسىندا جەكپە- جەك ءوتتى، دەپ حابارلايدى قازاقپارات championat.com سايتىنا سىلتەمە جاساپ.

ەكىنشى راۋندتا كۇتپەگەن جاعداي بولدى: سپورتشىلار ءبىر ۋاقىتتا ءبىر- بىرىنە سوققى جۇمساپ، ەكەۋى دە رينگتە قۇلاپ ءتۇستى. رەفەري العاشقىدا ابدىراپ قالدى، ءبىراق كەيىن ءبىر ۋاقىتتا ەكى بوكسشىعا ەسەپ اشتى. ۆيدەونى «ينستاگرامداعى» dragonfire_boxing پاراقشاسىنان كورۋگە بولادى. ۆيدەو Dragon Fire Boxing PTY LTD تيەسىلى.

تانىمال جەرگىلىكتى پروموۋتەر توني تولج مۇنداي جاعدايدى العاش رەت كورىپ وتىرعانىن مالىمدەدى. ايقاس اياقتالعاننان كەيىن تورەشىلەر ۇزاق ۋاقىت اقىلداسىپ، ناتيجەسىندە جەڭىمپازدى انىقتاي المادى. كوري بۇل جەكپە- جەكتە ءۇش رەت نوكداۋنعا ءتۇستى. بۇعان دەيىن UFC- تە يوناس بيلحارينو مەن حاناان كاۆايحە ءبىر- ءبىرىن نوكاۋتقا جىبەردى.