پرەزيدەنت سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆتى قابىلدادى
3 جەلتوقسان 20:43

پرەزيدەنت سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆتى قابىلدادى

نۇر-سۇلتان. قازاقپارات - قاسىم-جومارت توقايەۆ سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى مارات احمەتجانوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.

سىبايلاس جەمقورلىققا قارسى ۆەدومستۆونىڭ باسشىسى پرەزيدەنتكە اگەنتتىكتىڭ بيىلعى 11 ايداعى جۇمىسىنىڭ ناتيجەلەرى تۋرالى باياندادى.

مارات احمەتجانوۆتىڭ ايتۋىنشا، بيىلعى 11 ايدىڭ ىشىندە 1576 سىبايلاس جەمقورلىق قىلمىس تىركەلگەن. 1280 ازامات، ونىڭ ىشىندە رەسپۋبليكالىق جانە وبلىستىق دەڭگەيدەگى 159 باسشى جەمقورلىق قىلمىس بويىنشا جاۋاپقا تارتىلعان.

تالان-تاراجعا تۇسكەن 20 ميلليارد تەڭگەدەن استام قارجى بيۋجەتكە قايتارىلدى.

مارات احمەتجانوۆ مەملەكەت باسشىسىنا اۋىل شارۋاشىلىعىن سۋبسيديالاۋعا جاسالعان كەشەندى ساراپتامالاردىڭ، كولىك سالاسىنداعى جاعدايلاردىڭ جانە قىلمىستىق ىستەر بويىنشا سوتقا دەيىنگى تەرگەپ-تەكسەرۋدىڭ قورىتىندىلارى تۋرالى مالىمەت بەردى.

سونداي-اق پرەزيدەنتكە 2022-2026-جىلدارعا ارنالعان سىبايلاس جەمقورلىققا قارسى ساياسات تۇجىرىمداماسىن ازىرلەۋ تۋرالى تاپسىرماسىنىڭ ورىندالۋ بارىسى جونىندە ەسەپ بەرىلدى.

مەملەكەت باسشىسى سىبايلاس جەمقورلىققا قارسى كۇرەستىڭ جاڭا تاسىلدەرىن قولدادى جانە اگەنتتىكتىڭ جۇمىسىنا وڭ باعا بەردى.


جاڭالىقتار