شاۆكات ميرزيەيەۆ قازاقستانعا مەملەكەتتىك ساپارمەن كەلەدى

نۇر-سۇلتان. قازاقپارات - 5-6- جەلتوقسان كۇندەرى ەلىمىزگە وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ ەكى كۇندىك مەملەكەتتىك ساپارمەن كەلەدى، دەپ حابارلايدى قازاقپارات پرەزيدەنتتىڭ باسپا ءسوز حاتشىسى بەرىك ۋاليگە سىلتەمە جاساپ.

«مەملەكەت باسشىسى قاسىم-جومارت توقايەۆتىڭ شاقىرۋىمەن 5-6- جەلتوقسان كۇندەرى ەلىمىزگە وزبەكستان رەسپۋبليكاسىنىڭ پرەزيدەنتى شاۆكات ميرزيەيەۆ ەكى كۇندىك مەملەكەتتىك ساپارمەن كەلەدى. كوپقىرلى قازاق-وزبەك قاتىناستارىنا تىڭ سەرپىن بەرۋ ماقساتىمەن قازاقستان مەن وزبەكستان باسشىلارىنىڭ شاعىن جانە كەڭەيتىلگەن قۇرامداعى كەلىسسوزدەرى وتەدى. كەلىسسوزدەر قورىتىندىسى بويىنشا ەكىجاقتى قۇجاتتارعا قول قويىلادى دەپ كۇتىلۋدە»، - دەپ جازدى بەرىك ءۋالي Facebook-تەگى پاراقشاسىندا.