USD 431.41 EUR 452.94
RUB 6.92 CNY 63.83
جاڭالىقتار

ايدا بالايەۆا: قايىرىمدىلىق - ازاماتتىق قوعامنىڭ كەمەلدەنۋى

3 جەلتوقسان 17:55
:ءبولىسۋ
ايدا بالايەۆا: قايىرىمدىلىق - ازاماتتىق قوعامنىڭ كەمەلدەنۋى

پاۆلودار. قازاقپارات - قايىرىمدىلىق دەگەنىمىز - ازاماتتىق قوعامنىڭ كەمەلدەنۋى.

بۇل تۋرالى «جومارت جۇرەك» سىيلىعى لاۋرەاتتارىن ماراپاتتاۋ شاراسىندا ق ر اقپارات جانە قوعامدىق دامۋ ءمينيسترى ايدا بالايەۆا ايتتى، دەپ حابارلايدى قازاقپارات ءتىلشىسى.

«بۇگىن سونداي-اق، ەلىمىزدە جىل سايىن وتكىزىلەتىن «جومارت جۇرەك» رەسپۋبليكالىق سىيلىعىنىڭ يەگەرلەرىن بىلەتىن بولامىز. «جومارت جۇرەك» بۇل - قايىرىمدىلىق جاساۋ باعىتىندا اۋقىمدى ىستەردى اتقارىپ جۇرگەن ۇيىمداردى انىقتاپ، ولاردى حالىققا تانىستىرۋ ماقساتىندا بەرىلەتىن ارنايى ماراپات. بۇل - سونداي-اق، وڭىرلەردى دامىتۋعا، قامقورلىق قۇندىلىقتارى مەن قايىرىمدىلىق يدەيالارىن كەڭىنەن ناسيحاتتاۋعا، مۇقتاج جاندارعا كومەك بەرۋگە دايىن ازاماتتاردىڭ جاقسى ىستەرىن دارىپتەۋگە مۇمكىندىك بەرەتىن بىرەگەي الاڭ. 2018-جىلدان بەرى بۇل اتاۋلى سىيلىق - 125 ادامعا بەرىلدى»، - دەپ اتاپ ءوتتى مينيستر.

ونىڭ ايتۋىنشا، بيىلعى «جومارت جۇرەك» سىيلىعىنىڭ يەگەرلەرىن تاۋەلسىز ساراپشىلىق كوميسسيا ەلىمىزدىڭ بۇكىل وڭىرىنەن تۇسكەن 100 دەن استام ءوتىنىشتىڭ ىشىنەن ىرىكتەپ العان.

«وسىلايشا، ونلاين داۋىس بەرۋ جانە ەسەپ كوميسسياسىنىڭ شەشىمىنىڭ قورىتىندىسىندا 5 اتالىم بويىنشا 51 جەڭىمپاز انىقتالدى. ءبىراق، بارلىق ۋاقىتتا دا ەڭ باستى جەڭىمپاز ءبىزدىڭ قايىرىمدى جۇرەگىمىز بەن ىستىق ىقىلاسىمىز بولىپ قالا بەرەدى. ويتكەنى، قايىرىمدىلىق - ازاماتتىق قوعامنىڭ كەمەلدەنۋى»، - دەدى ايدا بالايەۆا.

مينيستر ەلوردا مەن ءىرى قالالاردا عانا ەمەس، ەلىمىزدىڭ شالعاي ەلدى مەكەندەرىندە دە قايىرىمدىلىقپەن اينالىسۋدى ءومىرىنىڭ مانىنە اينالدىرعان ادامداردىڭ كوپ ەكەنىن باسا ايتتى.

«اينالامىزدى شۋاققا بولەپ، ءبىر-بىرىمىزگە قۋانىش سىيلار مەيىرىمدىلىگىمىز سارقىلماسىن، جاقسى ىستەرىمىز تاۋسىلماسىن! الدىمىزدا مول جەتىستىكتەر كۇتىپ تۇرعانىنا كامىل سەنىمدىمىن. بارشاڭىزعا جاقسىلىق، جەتىستىك، تابىس تىلەيمىن!»، - دەپ تۇيىندەدى ءسوزىن ايدا بالايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات