ءبىرىڭعاي زەينەتاقى تولەمىن الۋدىڭ شەكتى مولشەرى نەگە ءوستى - ەڭبەك مينيسترلىگىنىڭ جاۋابى

نۇر-سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز حاتشىسى الەكساندر كونونەتس ءبىرجولعى زەينەتاقى تولەمىن الۋدىڭ شەكتى مولشەرى نەگە ارتاتىنىن ءتۇسىندىردى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭدا بەلگىلى ءبىر جاستاعى سالىمشى ءۇشىن زەينەتاقى جيناقتارىنىڭ ەڭ تومەنگى قاجەتتى سوماسى «ەڭ تومەنگى جەتكىلىكتىلىك شەگى» رەتىندە قاراستىرىلادى. ونىڭ مولشەرى اي سايىن تابىستىڭ %10 ىن تۇراقتى زەينەتاقى جارناسى رەتىندە اۋدارا وتىرىپ زەينەت جاسىنا جەتكەن سالىمشىنىڭ جيناعىنداعى اقشانىڭ ەڭ تومەنگى مولشەرى ەڭ تومەنگى زەينەتاقى مولشەرىن تولەۋگە مۇمكىندىك بەرۋ كەرەك.

«زەينەتاقىمەن قامسىزداندىرۋ جۇيەسىنىڭ تيىمدىلىگى ەڭبەك كىرىسى بولماعان كەزەڭدەگى سالىمدى زەينەتاقى تولەمدەرىمەن الماستىرۋ دەڭگەيىمەن ايقىندالاتىنىن ەسكەرسەك، ق ر ۇكىمەتىنىڭ 2021 -جىلعى 6-قاڭتارداعى №1-قاۋلىسىمەن بەكىتىلگەن تومەن جەتكىلىكتىلىك مولشەرىن ايقىنداۋ ادىستەمەسى بويىنشا زەينەتاقى جيناقتارىنىڭ ەڭ تومەنگى جەتكىلىكتىلىك شەگىن ايقىنداۋ كەزىندە ەڭ تومەنگى جالاقى مولشەرى، سونداي- اق ەڭ تومەنگى زەينەتاقى، ەڭ تومەنگى كۇنكورىس دەڭگەيى سياقتى كورسەتكىشتەر پايدالانىلادى جانە «رەسپۋبليكالىق بيۋدجەت تۋرالى» زاڭ بويىنشا جىل سايىن يندەكستەلەدى»، - دەپ جازادى مينيسترلىكتىڭ باسپا ءسوز قىزمەتى.

ۆەدومستۆونىڭ تۇسىندىرمەسىندە ءبىرجولعى زەينەتاقى تولەمىن الۋعا قاجەت تومەنگى جەتكىلىكتىلىك مولشەرى جىل سايىن بەكىتىلىپ وتىراتىنى ايتىلعان.

«مەملەكەت باسشىسى «حالىق بىرلىگى جانە جۇيەلى رەفورمالار - ەل وركەندەۋىنىڭ بەرىك نەگىزى» اتتى قازاقستان حالقىنا جولداۋى اياسىندا 2022 -جىلعى 1-قاڭتاردان باستاپ ەڭ تومەنگى جالاقىنى 42500 دەن 60 مىڭ تەڭگەگە دەيىن (نەمەسە %41) ارتتىرۋدى تاپسىردى. ەڭ تومەنگى جالاقىنىڭ ۇلاياتىنى تۋرالى بولجام تومەن جەتكىلىكتىلىك مولشەرىننىڭ سينحروندى ۇلعايۋىنا اكەلىپ وتىر. بۇل بولاشاق زەينەتكەرلەردىڭ كەيىن الاتىن زەينەتاقىسىن ەڭبەك تابىستارىنىڭ وزگەرۋىنە بارابار دەڭگەيدە ساقتاۋدى قامتاماسىز ەتەدى»، - دەپ جازىلعان ۆەدومستۆونىڭ مالىمەتىندە.

اۆتور: ەسىمجان ناقتىباي