اۋىل شارۋاشىلىعىندا وندىرۋشىدەن تۇتىنۋشىعا دەيىن دەلدالدار ورنىعىپ العان - سەنات

None
None
نۇر-سۇلتان. قازاقپارات - سەنات ءتوراعاسى ماۋلەن اشىمبايەۆ اۋىل شارۋاشىلىعى سالاسىنا قاتىستى زاڭ جوبالارى تۋرالى ايتتى، دەپ حابارلايدى قازاقپارات ءتىلشىسى.

«اگرارلىق سەكتوردى ودان ءارى دامىتۋ ءۇشىن شەشۋدى قاجەت ەتەتىن ءبىرقاتار ماڭىزدى مىندەتتەر دە بار. ناقتى ايتساق، بيىل ەلىمىزدىڭ كەيبىر وڭىرلەرىندە بولعان قۋاڭشىلىق جايىلىمدىق جەرلەر مەن جەم- ءشوپ دايىنداۋعا قاتىستى ءبىراز ماسەلەنىڭ باسىن اشىپ بەردى. جەم- ءشوپ ءوندىرىسى اۋىل شارۋاشىلىعىنىڭ ماڭىزدى باعىتتارىنىڭ ءبىرى. بيىلعى تاپشىلىققا اۋا- رايىمەن قاتار جەم- ءشوپ داقىلدارىنا ارنالعان القاپتاردىڭ جەتكىلىكسىز بولۋى دا ءوز اسەرىن تيگىزدى. بۇل رەتتە، قۇرعاقشىلىققا ءتوزىمدى اگروداقىلداردى ءوسىرۋدى ىنتالاندىرۋعا باعىتتالعان كەشەندى ءىس- شارالاردى قولعا الۋ كەرەكتىگىن ماماندار كوتەرۋدە»، - دەدى م. اشىمبايەۆ سەناتتا «اۋىل شارۋاشىلىعىن دامىتۋدىڭ وزەكتى ماسەلەلەرى مەن پەرسپەكتيۆالارى» تاقىرىبىنا ارنالعان پارلامەنتتىك تىڭداۋدا.

ونىڭ ايتۋىنشا، ۇساق شارۋاشىلىقتاردى، ونىڭ ىشىندە جەكە قوسالقى شارۋاشىلىق كووپەراتسيالارىن دامىتۋ اتالعان ماسەلەلەردى شەشۋدە ماڭىزدى ءرول اتقارادى. وسى رەتتە مەملەكەت باسشىسىنىڭ تاپسىرماسىنا سايكەس جەكە قوسالقى شارۋاشىلىق مارتەبەسى مەن ولارعا كورسەتىلەتىن مەملەكەتتىك قولداۋدى ايقىندايتىن جانە ۇساق تاۋار وندىرۋشىلەردىڭ كووپەراتسياسىن دامىتۋعا ارنالعان ءتيىستى زاڭ جوباسىن ازىرلەۋدىڭ ماڭىزى زور.

«سونىمەن قاتار ۆەتەريناريا سالاسىن جەتىلدىرۋ دە اسا ماڭىزدى. بۇل ماسەلەنى سەناتورلار دايەكتى تۇردە كوتەرۋدە. ينفەكتسيالىق اۋرۋلاردىڭ تۇراقتى ءورشۋى بۇل سالادا جۇيەلى سيپاتتاعى پروبلەمالار بار ەكەنىن كورسەتىپ وتىر. ول ماسەلەلەردى شەشۋ تاماق ونىمدەرىنىڭ قاۋىپسىزدىك دارەجەسىنە جانە مال ونىمدەرىن ەكسپورتتاۋعا دا تىكەلەي اسەر ەتەتىنى انىق. سوندىقتان ۇكىمەت ۆەتەريناريا ماسەلەلەرىنە ەرەكشە نازار اۋدارىپ، ولاردى ەڭسەرۋ ءۇشىن ءتيىستى شارالار قابىلداۋى قاجەت»، - دەدى سەنات ءتوراعاسى.

«اۋىل شارۋاشىلىعىن قارجىلاندىرۋ جۇيەسىن جەتىلدىرۋ دە ماڭىزدى ماسەلەلەردىڭ ءبىرى. قازىرگى قولدانىستاعى سۋبسيديالاۋ جۇيەسىندە ءبىرقاتار ماسەلەلەر بار. مەملەكەت باسشىسى قىركۇيەك ايىنداعى جولداۋىندا وسى تاقىرىپقا ەرەكشە نازار اۋدارعانىن جاقسى بىلەسىزدەر. سوندىقتان ءتيىستى مينيسترلىك پەن «بايتەرەك» حولدينگى سالانى سۋبسيديالاۋ جونىندەگى قولدانىستاعى نورماتيۆتىك قۇقىقتىق اكتىلەرگە تالداۋ جاساپ، ورىن العان ولقىلىقتار مەن كەمشىلىكتەردى جويۋ جونىندە ناقتى ۇسىنىستار ازىرلەۋى قاجەت. بۇل سالاداعى تاعى ءبىر وزەكتى ماسەلە - ازىق- تۇلىك تاۋارلارىنا ءادىل باعا بەلگىلەۋ بولىپ وتىر. ءونىمنىڭ كەيبىر ساناتتارى بويىنشا يمپورتتىڭ ۇلەسى ايتارلىقتاي كوپ ەكەنى جاسىرىن ەمەس. سونداي- اق، اۋىل شارۋاشىلىعى ونىمدەرىن وندىرۋشىدەن تۇتىنۋشىعا دەيىنگى جولعا دەلدالدار ورنىعىپ العان. وسى سەبەپتى اتالعان ونىمدەردىڭ باعاسى ايتارلىقتاي ءوسىپ وتىر. وسى باعىتتا مەملەكەت باسشىسىنىڭ تاپسىرماسى بويىنشا كوتەرمە- تاراتۋ ورتالىقتارىنىڭ جەلىسىن دامىتۋ - وزەكتى ماقساتتاردىڭ ءبىرى»، - دەدى ماۋلەن اشىمبايەۆ.

اۆتور: رۋسلان عابباسوۆ

سوڭعى جاڭالىقتار