ءبىرجولعى زەينەتاقى تولەمىن الۋدىڭ شەكتى مولشەرى وزگەرتىلدى
بۇل تۋرالى ءبىرىڭعاي جيناقتىق زەينەتاقى قورىنىڭ رەسمي سايتى جازدى. بۇل شەشىمدى زەينەتاقى قورى بىلاي دەپ تۇسىندىرەدى.
ق ر «قازاقستان رەسپۋبليكاسىندا زەينەتاقىمەن قامسىزداندىرۋ تۋرالى» زاڭىندا: «زەينەتاقى جيناقتارىنىڭ ەڭ تومەن جەتكىلىكتىلىگىنىڭ شەگى - قازاقستان رەسپۋبليكاسىنىڭ ۇكىمەتى بەكىتكەن ادىستەمەگە سايكەس ايقىندالاتىنى ايتىلعان. تومەن جيناقتىق شەكتى ايقىنداۋ ادىستەمەسى قازاقستان رەسپۋبليكاسى ۇكىمەتىنىڭ 2013 -جىلدىڭ 2-قازانىنداعى №1042-قاۋلىسىمەن (2021 -جىلدىڭ 6-قاڭتارىنداعى وزگەرىستەرىمەن جانە تولىقتىرۋلارمەن) بەكىتىلگەن.
ادىستەمە بويىنشا تومەن جيناقتىق شەك مولشەرى جيناق يەسىنىڭ جاسىنا قاراي ەسەپتەلەدى جانە بولاشاق زەينەتاقى تولەمدەرى مەن زەينەتاقى جارنالارىنىڭ ءوسۋىن (يندەكستەلۋىن) ەسكەرەدى.
بۇل رەتتە قر «رەسپۋبليكالىق بيۋدجەت تۋرالى» زاڭىنا سايكەس، جىل سايىن يندەكستەلەتىن ەڭ تومەنگى جالاقى (ە ت ج)، ەڭ تومەنگى زەينەتاقى (ە ت ز)، ەڭ تومەنگى كۇنكورىس دەڭگەيى (ە ت ك د) سياقتى الەۋمەتتىك كورسەتكىشتەر قولدانىلادى. وسىعان بايلانىستى تومەن جيناقتىق شەك مولشەرىن ەسەپتەۋ جىل سايىن اتالعان كورسەتكىشتەردىڭ ءوسۋىن ەسكەرە وتىرىپ جۇرگىزىلەدى.
2022 -جىلعا الەۋمەتتىك كورسەتكىشتەر مولشەرى ۇلعايتىلعاندىقتان، اتاپ ايتقاندا، ەڭ تومەنگى جالاقى مولشەرى 2021 -جىلعى 42500 تەڭگەدەن 2022 -جىلى 60000 تەڭگەگە دەيىن (نەمەسە % 41) ءوستى.
ءبىرىڭعاي جيناقتىق زەينەتاقى قورى وسىنى ەسكەرىپ، 2022 -جىلعا تومەن جيناقتىق شەك مولشەرىن دە كوبەيتكەن.
2022 -جىلدان باستاپ بۇل مولشەر ءار جاس بويىنشا مىناداي كولەمدە ەسەپتەلەدى:
اۆتور: ەسىمجان ناقتىباي