ۆيتسە-پرەمەر وميكرون شتاممىنىڭ تارالۋىنا بايلانىستى ءبىرقاتار تاپسىرما بەردى
كۇن تارتىبىندەگى نەگىزگى ماسەلەلەر COVID-19-عا قارسى كۇرەسۋ، «وميكرون» جاڭا شتاممى تارالعان ەلدەردە بولعان قازاقستاندىقتاردىڭ ورالۋى جانە ودان كەيىنگى كارانتيندە بولۋى ماسەلەلەرى بويىنشا شەشىمدەر قابىلداۋعا قاتىستى بولدى.
ۆيتسە-پرەمەر ەلدەگى ەپيدەميولوگيالىق جاعداي تۇراقتى ەكەنىن اتاپ ءوتىپ، حالىقتى كوروناۆيرۋس ينفەكتسياسىنا جانە باسقا دا جۇقپالى اۋرۋلارعا قارسى ۆاكسينالاۋ جۇمىستارىن جالعاستىرۋ قاجەت ەكەنىن اتاپ ءوتتى.
ۆەدومستۆوارالىق كوميسسيا جوسپارلى يممۋنداۋمەن قامتۋ وڭتايلى كورسەتكىش %95 دان كەم ەمەس بولعان جاعدايدا 10 اي ىشىندە %79 دى قۇرايتىنىن اتاپ ءوتتى.
رەسپۋبليكانىڭ بارلىق وڭىرىندە پنيەۆموكوكك ينفەكسياسى، كوكجوتەل، ديفتەريا، سىرەسپەگە (ا ك د س) قارسى ۆاكسينالاۋمەن قامتۋعا قول جەتكىزىلمەگەن. رەسپۋبليكالىق ماننەن تومەن كورسەتكىشتەر اتىراۋ (%62,3)، پاۆلودار (%64,7)، اقتوبە (%66,1)، ماڭعىستاۋ (%66,4)، باتىس قازاقستان وبلىستارىندا (%67,4) جانە الماتى قالاسىندا (%63,4) بايقالادى.
يممۋنداۋ قارقىنى قازان ايىنان باستاپ تۇراقتى تومەندەپ كەلە جاتقان وڭىرلەردىڭ، قاراعاندى، الماتى، اتىراۋ، اقتوبە وبلىستارىنىڭ باسشىلارىنا سەنىپ تاپسىرىلعان اۋماقتاردىڭ حالقىن ۆاكتسينالاۋمەن قامتۋدى ەرەكشە باقىلاۋعا الۋ تاپسىرماسى بەرىلدى.