USD 434.34 EUR 491.93
RUB 5.56 CNY 68.67
جاڭالىقتار

فارحات ءابدىرايىموۆقا ارنايى ماراپات بەرىلدى

3 جەلتوقسان 09:25
:ءبولىسۋ
فارحات ءابدىرايىموۆقا ارنايى ماراپات بەرىلدى

الماتى. قازاقپارات - الماتىداعى «باستاۋ» 9-حالىقارالىق كينوفەستيۆالدە تانىمال قازاقستاندىق اكتەر، مارقۇم فارحات ءابدىرايىموۆقا وتاندىق كينوماتوگرافيانى دامىتۋعا قوسقان ۇلەسى ءۇشىن ارنايى ماراپات بەرىلدى، دەپ حابارلايدى قازاقپارات.

«اكەم حالىق نەمەسە ەڭبەك سىڭىرگەن ءارتىسى سياقتى مەملەكەتتىك اتاقتار الماعان ەدى، الايدا ول ءارقاشان جاقسىلىق پەن قايىرىمدىلىقتىقتىڭ پەن ادىلدىكتىڭ جاقتاۋشىسى بولدى. سوندىقتان دا ءبىز اكەمىزدىڭ وسى سىيلىعىن ەرەكشە ىقىلاسپەن قابىلدادىق»، - دەپ جازدى اكتەردىڭ جەلىدەگى پاراقشاسىندا بالالارى.

فەستيۆال ۇيىمداستىرۋشىلارى سىيلىقتى اكتەردىڭ جەسىرى ۆيكتوريا ءابدىرايىموۆا مەن ۇلدارى اسلان مەن تەمىرلانعا بەرگەن.

ەسكە سالساق، بيىل مامىر ايىندا گرۋزيادا ءتۇسىرىلىم بارىسىندا قازاقستان اكتەرى فارحات ءابدىرايىموۆ قايتىس بولدى.

فارحات ءابدىرايىموۆ 1966 -جىلى 21-قاڭتاردا الماتى قالاسىندا تۋعان. الماتى تەحنولوگيالىق ۋنيۆەرسيتەتىن ينجەنەر- تەحنولوگ ماماندىعى بويىنشا بىتىرگەن. 1999 -جىلدان ش. ايمانوۆ اتىنداعى «قازاقفيلم» ا ق- نىڭ اكتەرى بولعان ەدى.

ول «شانحاي»، «اقسۋات»، «ومپا»، «ماحاببات تالكەگى»، «سيقىرشى دەمەۋشى»، «جەل ادام»، «فرانسۋز قۇرباقاسىنان ازىرلەنگەن بورش»، «شەكارا»، «جان جۇرەگىم - استانا»، «پاراللەل الەم»، «گەيزەر»، «ءۇش ليمون»، «باتىر»، «ەڭ سۇلۋ» سىندى فيلمدەرگە تۇسكەن.

فارحات نۇرسۇلتان ۇلى ر ف «ۇزدىك اكتەر» كينو باسىلىمىنىڭ باس جۇلدەسىن، XXI حالىقارالىق «سۆياتوي گەورگي پوبەدونوسەتس» كينوفەستيۆالىنىڭ گران-پري جۇلدەسىن جەڭىپ العان. 2020 -جىلى «التىن ادام» سىيلىعىنىڭ «جىل كينوجۇلدىزى» اتالىمىن يەلەنگەن. ق ر پرەزيدەنتىنىڭ قۇرمەت گراموتاسىمەن ماراپاتتالعان.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات