USD 424.84 EUR 453.6
RUB 7.3 CNY 63.91
جاڭالىقتار

ەلوردادا ماس جۇرگىزۋشىنى توقتاتپاق بولعان پوليتسەي اۋىر جاراقاتتاندى - ۆيدەو

3 جەلتوقسان 07:45
:ءبولىسۋ
ەلوردادا ماس جۇرگىزۋشىنى توقتاتپاق بولعان پوليتسەي اۋىر جاراقاتتاندى - ۆيدەو

نۇر-سۇلتان. قازاقپارات - نۇر-سۇلتاندا ماس جۇرگىزۋشىنى توقتاتپاق بولعان پوليتسيا قىزمەتكەرى اۋرۋحاناعا جەتكىزىلدى، دەپ حابارلايدى قازاقپارات.

2-جەلتوقسان كۇنى ساعان 14.00 شاماسىندا قوشقاربايەۆ كوشەسىندە قىزمەتىن اتقارىپ جۇرگەن قالالىق پاترۋل پوليتسياسى مامانداندىرىلعان باتالونىنىڭ اعا ينسپەكتورى ارحات راقىشەۆ Howo ماشيناسىن بايقاپ، ونى توقتاتپاق بولادى.

ويتكەنى جۇك كولىگى جولدا اپاتتىق جاعداي تۋعىزىپ، جول ەرەجەسىن ورەسكەل بۇزىپ كەلە جاتقان ەدى. كولىكتىڭ جۇرگىزۋشىسى پوليتسەيدىڭ ەسكەرتپەسىنە قۇلاق اسپاي، قوزعالىسىن جالعاستىرعان. پوليتسەي جاعدايدى ءتۇسىنىپ، بەتون ارتقان اۆتوموبيلدىڭ جۇرگىزۋشىسى قالانىڭ قاق ورتاسىندا ازاماتتارعا قاۋىپ ءتوندىرىپ وتىرعانىن، تالاپقا باعىنبايتىنىن، بالكىم ساۋ ەمەس ەكەنىن باعامداعان. سودان كەيىن ول كولىكتى توقتاتۋعا تىرىسقان. ول راديوستانسا ارقىلى وقيعا ورنىن كورسەتىپ، ارىپتەستەرىنەن كومەك سۇرايدى.

سودان كەيىن كولىكتىڭ كابيناسىنا سەكىرىپ مىنەدى. الايدا جۇرگىزۋشى وعان قارسىلىق كورسەتكەن. سالدارىنان اعا ينسپەكتور جول بويىنا قۇلاپ كەتەدى. پوليتسەيلەر كولىكتىڭ جولىن جاۋىپ، اقىرى توقتاتتى، كۇدىكتى ۇستالدى.

جۇرگىزۋشىدەن الكوگولدىڭ ءيىسى بۇرقىراپ تۇردى. كەيىننەن ساراپتاما ونىڭ ورتا دارەجەدە ماس بولعانىن كورسەتتى. قازىر سوتقا دەيىنگى تەرگەۋ ءجۇرىپ جاتىر. كۇدىكتى ۋاقىتشا يزولياتورعا قامالدى. كولىك كوممۋنالدىق تۇراقتا تۇر. 29 جاستاعى پوليتسيا كاپيتانى ارحات راقىشەۆ اۋىر حالدە اۋرۋحاناعا جەتكىزىلدى. دارىگەرلەر پوليتسەيدىڭ ءومىرى ءۇشىن كۇرەسىپ جاتىر.

ول 2015 -جىلدان بەرى ىشكى ىستەر ورگاندارىندا جۇمىس ىستەيدى.


اۆتور: جانات قاپالبايەۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات