USD 434.34 EUR 491.93
RUB 5.56 CNY 68.67
جاڭالىقتار

ايدا بالايەۆا تاريحي سەريالدار تۋرالى: ورىندى سىن ەستۋگە ءارقاشان دايىنبىز

2 جەلتوقسان 21:28
:ءبولىسۋ
ايدا بالايەۆا تاريحي سەريالدار تۋرالى: ورىندى سىن ەستۋگە ءارقاشان دايىنبىز

نۇر-سۇلتان. قازاقپارات - Kazmedia ورتالىعىندا وتكەن تاريحي سەريالداردىڭ تانىستىرىلىمىندا ق ر اقپارات جانە قوعامدىق دامۋ ءمينيسترى ايدا بالايەۆا تاريحي مازمۇنداعى كونتەنتتىڭ ماڭىزى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«كينو ءتۇسىرۋ، سونىڭ ىشىندە تاريحي مەدياونىم شىعارۋ - ءبىر ساتتىك قىزىق دۇنيە جاساۋ ەمەس. بۇل - جوعارى ساپانى، تەرەڭ مازمۇندى قاجەت ەتەتىن كۇردەلى سالا. سونىڭ ىشىندە اسىرەسە تاريحي سەريالدار - ۇرپاق ساناسىن قالىپتاستىراتىن يدەولوگيالىق قۇرال. سوندىقتان دا مەملەكەت باسشىسى قاسىم-جومارت توقايەۆ «تاۋەلسىزدىك بارىنەن قىمبات» اتتى ماقالاسىندا وسى ماسەلەگە ەرەكشە نازار اۋدارعان بولاتىن. مۇنىڭ وزىندىك ءمانى بار. تاۋەلسىزدىكتىڭ قۇنىن ءبىلىپ، ونىڭ قادىر-قاسيەتىن باعالاۋ ءۇشىن ءبىز وتكەنىمىزدى ۇمىتپاۋىمىز كەرەك. تاريحتا قانداي جولداردان وتتىك، قانداي تۇلعالار بولدى؟ ءبارىن ۇرپاققا ۇعىندىرۋ كەرەك. سوندىقتان دا پرەزيدەنت ۇلت تۇلعالارىن ناسيحاتتايتىن تاريحي سەريالداردى كوبەيتۋدى تاپسىردى. وسى سەريالدار ارقىلى ءبىز وسكەلەڭ ۇرپاققا تاريحي تۇلعالار مەن ولاردىڭ ونەگەلى ءومىرىن تانىستىرامىز»، - دەگەن ايدا بالايەۆا Qazaqstan تەلەارناسى تۇسىرگەن 6 تاريحي سەريالدىڭ كورەرمەن نازارىنا جۋىقتا كوگىلدىر ەكراننان ۇسىنىلاتىنىن، نەگىزگى باعانى سول كورەرمەن بەرەتىنىن اتادى.

«ارينە، ءمىنسىز دۇنيە بولمايدى. سوندىقتان تەك قانا ماقتاۋ كۇتىپ وتىرماي، دايىنبىز. ول وتە ماڭىزدى. سىزدەردىڭ ءادىل باعالارىڭىز، ەسكەرتۋلەرىڭىز، شىنايى پىكىرلەرىڭىز ارقىلى كەمشىلىكتەر انىقتالادى، تاجىريە جينالىپ، كەلەسى ونىمدەردىڭ ساپاسىن ارتتىرۋعا سەپتىگىن تيگىزەدى»، - دەدى مينيستر.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات