USD 434.34 EUR 491.93
RUB 5.56 CNY 68.67
جاڭالىقتار

تاۋەلسىزدىك جىلدارى قازاقستاندا قانشا سەريال تۇسىرىلدى؟

2 جەلتوقسان 21:13
:ءبولىسۋ
تاۋەلسىزدىك جىلدارى قازاقستاندا قانشا سەريال تۇسىرىلدى؟

نۇر-سۇلتان. قازاقپارات - تاۋەلسىزدىكتىڭ 30 جىلىندا 250 دەن استام وتاندىق سەريال تۇسىرىلگەن، دەپ حابارلايدى قازاقپارات ءتىلشىسى.

بۇل تۋرالى ق ر اقپارات جانە قوعامدىق دامۋ ءمينيسترى ايدا بالايەۆا Kazmedia ورتالىعىنداعى Qazaqstan تەلەارناسى تۇسىرگەن 6 تاريحي سەريالدىڭ تانىستىرىلىمىندا ايتتى.

«تاۋەلسىزدىك كەزەڭىندە مەملەكەتىمىز قانداي قيىن جاعداي بولسا دا، ونەرگە، سونىڭ ىشىندە كينو ونەرىنە ەرەكشە قامقورلىق تانىتىپ وتىردى. ەستەرىڭىزدە بولسا، ەڭ ءبىرىنشى وتاندىق سەريال «توعىسقان تاعدىرلار» دەگەن اتپەن كورەرمەنگە جول تارتقان ەدى. وسى ونىمدەردەن لەپ الىپ، كەيىن تالاي سەريالدار ءتۇسىرىلدى. ولاردىڭ ىشىندە ساپالىسى دا، ساپاسى تومەندەرى دە بولدى. حالىقتىڭ سىنىنا ۇشىراعاندارى دا بار. وتاندىق ونىمدەردى ماقتاۋشىلار دا، داتتاۋشىلار دا تابىلادى. ءبىراق، مۇنىڭ ءبارى وسى سالانىڭ قالىپتاسىپ، دامۋىنا سەپتىگىن تيگىزدى. سول جوبالار ارقىلى وستىك، تاجىريبە جينادىق، ساپانى كوتەردىك»، - دەدى مينيستر.

ۆەدومستۆو باسشىسىنىڭ سوزىنە قاراعاندا، تاۋەلسىزدىكتىڭ 30 جىلىندا قازاق كينو يندۋسترياسى ءوز جولىن تاپقان.

«كينو يندۋسترياسى، سونىڭ ىشىندە سەريالدار يندۋسترياسى جىلدان-جىلعا قارقىن الىپ كەلەدى. كەيىنگى 5 جىلدىڭ ىشىندە 3500 دەن استام سەريادان تۇراتىن 250 گە جۋىق سەريال ءتۇسىرىلدى. ونىڭ 50 دەن استامى تۇركيا، وزبەكستان، قىرعىزستان، رەسەي مەملەكەتتەرىندە ساتىلدى. وسىدان 10 جىل بۇرىن سەريال دايىندايتىن پروداكشن كومپانيالار ساۋساقپەن سانايتىن ەدىك. قازىر بۇل سالاداعى باسەكە وتە جوعارى. مىسالى، بيىل وتكەن Astana Media Week جوباسىنا سەريال جانرىندا قاتىسقىسى كەلگەن 100 دەن استام پروداكشن كومپانيادان ءوتىنىش ءتۇستى. بۇل سالانىڭ كۇندەلىكتى دامىپ جاتقانىن كورسەتەدى»، - دەدى ايدا بالايەۆا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات