USD 433.3 EUR 464.19
RUB 6.48 CNY 64.56
جاڭالىقتار

باقىتجان ساعىنتايەۆ دەنساۋلىعىنا بايلانىستى دەمالىسقا شىقتى

2 جەلتوقسان 20:45
:ءبولىسۋ
باقىتجان ساعىنتايەۆ دەنساۋلىعىنا بايلانىستى دەمالىسقا شىقتى

الماتى. قازاقپارات - باقىتجان ساعىنتايەۆ دەنساۋلىعىنا بايلانىستى دەمالىسقا شىقتى.

بۇل تۋرالى الماتى قالاسى اكىمىنىڭ باسپا ءسوز حاتشىسى اسەت مۇقاجانوۆ ءمالىم ەتتى، دەپ حابارلايدى قازاقپارات ءتىلشىسى.

«ارىپتەستەر، باقىتجان ءابدىر ۇلى دەنساۋلىعىنا بايلانىستى دەمالىسقا شىققانىنا وسىمەن ءۇش كۇن بولدى. تاڭەرتەڭ Almaty Investment Forum 2021 گە قاتىسا المادى. ويتكەنى ول ەم قابىلداپ جاتىر. وعان انگينا دياگنوزى قويىلدى، قىزۋى بار»، - دەدى اسەت مۇقاجانوۆ.

دەسەكتە، مەگاپوليس اكىمى باقىتجان ساعىنتايەۆ Almaty Investment Forum 2021 اياسىندا وتكەن «جاڭا جىبەك جولى مەگاقالالارى» تەلەكوپىرىنىڭ جۇمىسىنا ونلاين فورماتتا قاتىستى.

شارا بارىسىندا باقىتجان ساعىنتايەۆ ءوزىنىڭ دەنساۋلىعىنا الاڭداعان ادامدارعا العىسىن ايتتى.

«مەن دە ەت پەن سۇيەكتەن جارالعان اداممىن. مەندە سوزىلمالى انگينا (تاماق اۋرۋى) بار. بىرنەشە كۇننەن بەرى اۋىرىپ، وسى جاعدايعا تاپ بولدىم. دارىگەرلەردىڭ ارقاسىندا جاقسىمىن. ولارعا راحمەت. شاراعا تۇسكە دەيىن قاتىسا المادىم. ءبىراق تۇستەن كەيىنگى پانەلدىك سەسسيادا مەن سىزدەرمەن بىرگەمىن. دەنساۋلىعىما الاڭداعاندارىڭىز ءۇشىن راحمەت. مەن جەلىلەردى قارادىم، تەزىرەك ساۋىعىپ كەتۋىمدى تىلەپ جاتىر. جاقىن كۇندەرى جۇمىسقا كىرىسەمىن»، - دەدى باقىتجان ساعىنتايەۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات