قازاقستاندىق بىتىمگەرلەر افريكا ەلدەرىندە ب ۇ ۇ ميسسياسىنا قاتىسۋى مۇمكىن
قورعانىس مينيسترلىگى مەن حالىقارالىق قىزىل كرەست كوميتەتى اراسىندا ونلاين تۇردە شتابتىق كەلىسسوز جۇرگىزىلدى.
تاراپتار ب ۇ ۇ- نىڭ افريكاداعى ميسسيالارىنا قاتىسۋ ماقساتىندا قازاقستان قارۋلى كۇشتەرىنىڭ بىتىمگەرشىلىك كونتينگەنتىن دايىنداۋدىڭ وزەكتى ماسەلەلەرى جونىندە پىكىر الماستى.
حالىقارالىق قىزىل كرەست كوميتەتىنىڭ ساراپشىلارى ورتالىق افريكا رەسپۋبليكاسى، كونگو جانە ماليدەگى قازىرگى گۋمانيتارلىق جاعدايعا قاتىستى تاجىريبە جانە دەرەكتەردى ءبولىستى.
قازاقستان قارۋلى كۇشتەرىنىڭ بىتىمگەرشىلىك كونتينگەنتىن دايارلاۋ شەڭبەرىندە قورعانىس ۆەدومستۆوسىمەن ىنتىماقتاستىق جوعارى باعالاندى. بۇل رەتتە بىتىمگەرشىلىك دايىندىق ورتالىعى جانە ق ر تۇڭعىش پرەزيدەنتى - ەلباسى اتىنداعى ۇلتتىق قورعانىس ۋنيۆەرسيتەتىمەن ءوزارا ءىس- قيمىلدى اتاپ وتۋگە بولادى.
حالىقارالىق قىزىل كرەست كوميتەتى ەل اسكەرى ءۇشىن ماماندار دايارلاۋعا، قازاقستان اۋماعىنداعى وقۋ-جاتتىعۋعا قاتىسۋ ءۇشىن وكىلدەر جىبەرۋگە، سونداي-اق نۇسقاۋشىلار قۇرامىن الماستىرۋعا قولداۋ كورسەتۋگە ءازىر ەكەنىن راستادى.
ەستەرىڭىزگە سالا كەتسەك، شۆەيتسارياعا جاساعان رەسمي ساپارى اياسىندا مەملەكەت باسشىسى قاسىم-جومارت توقايەۆ حالىقارالىق قىزىل كرەست كوميتەتىنىڭ پرەزيدەنتى پەتەر ماۋەرمەن كەزدەسىپ، وندا ەل اسكەري قىزمەتشىلەرىنىڭ ب ۇ ۇ بىتىمگەرشىلىك وپەراتسيالارىنا قاتىسۋ اۋقىمىن كەڭەيتۋ جونىندەگى جوسپارلارى تۋرالى مالىمدەگەن بولاتىن.
اسكەري كونتينگەنت جىبەرەتىن ەل رەتىندە قازاقستاننىڭ ءرولى ەرەكشە اتالدى.
بۇعان دەيىن ەل پرەزيدەنتى قازاقستاننىڭ بەيبىتشىلىك، حالىقارالىق قاۋىپسىزدىك جانە تۇراقتىلىق قاعيداتتارىنا بەيىلدىلىگىن قارۋلى كۇشتەردىڭ بىتىمگەرشىلىك قىزمەتى ءىس جۇزىندە كورسەتەدى دەپ اتاپ وتكەن بولاتىن.