USD 425.02 EUR 450.1
RUB 7.17 CNY 63.75
جاڭالىقتار

سەناتورلار: مەملەكەت قورعانىس ونەركاسىبى كاسىپورىندارىن باقىلاۋدى ساقتاۋى كەرەك

2 جەلتوقسان 18:04
:ءبولىسۋ
سەناتورلار: مەملەكەت قورعانىس ونەركاسىبى كاسىپورىندارىن باقىلاۋدى ساقتاۋى كەرەك

نۇر- سۇلتان. قازاقپارات - سەناتورلار اسقار شاكىروۆ پەن سەرگەي ەرشوۆ پرەمەر- ءمينيسترى اسقار ءماميننىڭ اتىنا جولداعان دەپۋتاتتىق ساۋالىندا ەلىمىزدىڭ حالقى مەن اۋماعىنىڭ قاۋىپسىزدىگىن قامتاماسىز ەتەتىن كەيبىر مەملەكەتتىك نىسانداردى جەكەشەلەندىرۋگە قاتىستى پروبلەمالاردى اتاپ ءوتتى، دەپ حابارلايدى قازاقپارات ءتىلشىسى.

دەپۋتاتتار مەملەكەت باسشىسى ءوز جولداۋىندا ۇكىمەتكە جەكەشەلەندىرۋدىڭ جاڭا جوسپارىن قابىلداۋدى تاپسىرعانىن اتاپ ءوتتى. وسىعان بايلانىستى پارلامەنتشىلەر ەلىمىزدىڭ قورعانىس- ونەركاسىپتىك الەۋەتىنە ىقپال ەتەتىن كەز كەلگەن ۇيىمداردى جەكەشەلەندىرۋدە مەملەكەتتىڭ ۇلەسىن ساقتاۋ نەمەسە وسىنداي ۇيىمداردىڭ «التىن اكسياسىن» ساتىپ الۋ ارقىلى جۇرگىزىلۋى قاجەتتىگى تۋرالى زاڭنامالىق تۇزەتۋلەر ەنگىزۋدى ۇسىندى.

«جەكەشەلەندىرۋ مەملەكەتتىڭ ەكونوميكاعا قاتىسۋىن قىسقارتۋ جانە پروبلەمالىق كومپانيالارداعى جاعدايدى جاقسارتۋ ماقساتىن كوزدەيتىنى داۋسىز. سونىمەن قاتار، مەملەكەتتىك كاسىپورىنداردى جەكەشەلەندىرۋ جانە مەملەكەتتىڭ ءوز ازاماتتارى مەن جالپى جۇيەنىڭ قاۋىپسىزدىگىن تىكەلەي قامتاماسىز ەتەتىن ۇيىمدارعا قاتىسۋ تاۋەكەلىن مەملەكەت تاراپىنان باعالاۋ، باقىلاۋ جانە باسقارۋ قاجەت دەپ سانايمىز»، - دەپ سەناتورلار ءوز ويلارىن ورتاعا سالدى.

سەنات دەپۋتاتتارى وسىعان بايلانىستى جەكەشەلەندىرىلگەن كاسىپورىنداردىڭ پورتفەلىن ءارتاراپتاندىرۋ مۇمكىندىگىن، سونداي- اق وسى پروتسەستى نورماتيۆتىك- قۇقىقتىق رەتتەۋدى جەتىلدىرۋ قاجەتتىگىن ۇكىمەت باسشىسىنان كەشەندى تۇردە قاراستىرۋدى سۇرادى.

اۆتور: رۋسلان عابباسوۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات