قازاقستان- قىتاي: العاشقى كونتەينەرلىك قۇراما جۇك جونەلتىلدى
قۇراما كونتەينەرلەر تيەگەن جۇك پويىزى مەجەلى جەرىنە 10 كۇننەن كەيىن جەتەدى. جونەلتۋدى ۇيىمداستىرۋشىلار - «ҚТЖ Express» جانە «QazTrade» اكسيونەرلىك قوعامدارى. شويىن جول ارقىلى كونتەينەرلىك قۇراما جۇكتى تاسىمالداۋ ءتاسىلى ەڭ الدىمەن شاعىن جانە ورتا بيزنەسكە وتە قولايلى بولادى. وتاندىق تاۋار وندىرۋشىلەر ءوز ونىمدەرىن ءبىر كونتەينەرگە جيناپ، كورشى ەلگە جىبەرەدى.
ەرلان تولەنديەۆ، « ق ت ج- ەكسپرەس-وڭتۇستىك» فيليالىنىڭ باسشىسى:
- كىشى جانە ورتا بيزنەس وكىلدەرىنە وتە پايدالى. سەبەبى بيزنەسمەندەر بۇكىل كونتەينەرگە بۇكىل شىعىندى جاپپايدى. ارنايى ءوزىنىڭ جۇگىنىڭ كولەمىنە ساي شىعىنداردى جابۋعا ابدەن مۇمكىندىگى بولادى.
الىبەك جۇماتايەۆ، «Kaztrade» اق لوگيستيكا جونىندەگى ديرەكتورى:
- بۇل لوگيستيكالىق جوبانى «ق ت ج- ەكسپرەسسپەن» بىرىگىپ جاسادىق. ول نەگىزىنەن قىتايعا تاۋار ەكسپورتتاۋشى شاعىن جانە ورتا بيزنەسكە ارنالعان. جۇك تەك كونتەينەرلەرمەن عانا جەتىكزىلەدى. سەبەبى كونتەينەردى تيەۋ- ءتۇسىرۋ جۇمىسى جەڭىلدەيدى. تاسىمالداۋ باعاسى دا قىمبات ەمەس. بولاشاقتا بۇل سەرۆيستى ءبىر ىزگە قويۋدى جوسپارلاپ وتىرمىز.
كونتەينەر قازاقستاندىق فيتينگتىك پلاتفورمادان قىتايلىق پلاتفورماعا اۋىستىرىلادى. سودان كەيىن شيان قالاسىنان جۇك قىتايدىڭ كەز كەلگەن جەرىنە جونەلتىلەدى.
نۇرلان سىزدىقوۆ، «ساۋمال» ساۋدا ءۇيىنىڭ ديرەكتورى:
- بۇعان دەيىن ءبىز جۇكتى ۇشاق جانە اۆتوموبيلمەن جىبەرىپ كەلدىك. الايدا قازىر ول جاعى قيىن بولىپ تۇر. ەندى تەمىرجول ارقىلى جاڭا لوگيستيكالىق باعىت اشىلدى. بۇل ءبىز ءۇشىن جالپى سىرتقا تاۋار ساتۋشى ەكسپورتەرلەر ءۇشىن وتە ءتيىمدى. تاپسىرىس بەرۋشىلەرمەن اراداعى كەلىسىمشارتىمىزدى دەر كەزىندە ورىنداۋعا زور مۇمكىندىك بەرەدى.
بۇل جوبا قازاقستاننىڭ ەكسپورتتاۋشىلارىنا باسەكەگە قابىلەتتى باعامەن قىتايعا تاۋار جەتكىزۋدىڭ تۇراقتى قىزمەتىن ۇسىنادى.
«ەكسپورتتاۋشىعا ارتىق تولەمەي، قانشا قاجەت بولسا، سونشا جۇگىن تاسىمالداۋعا مۇمكىندىك بەرەدى»، - دەيدى كومپانيا وكىلدەرى.