USD 434.34 EUR 491.93
RUB 5.56 CNY 68.67
جاڭالىقتار

وميكرون شتامىنا بايلانىستى دۇربەلەڭگە ءتۇسۋدىڭ قاجەتى جوق- الماز شارمان

2 جەلتوقسان 17:02
:ءبولىسۋ
وميكرون شتامىنا بايلانىستى دۇربەلەڭگە ءتۇسۋدىڭ قاجەتى جوق- الماز شارمان

الماتى. قازاقپارات- «وميكرون» شتامىنا بايلانىستى الاڭداۋشىلىق بار، الايدا دۇربەلەڭگە ءتۇسۋدىڭ قاجەتى جوق.

بۇل تۋرالى پروفيلاكتيكالىق مەديتسينا اكادەمياسىنىڭ پرەزيدەنتى الماز شارمان ايتتى، دەپ حابارلايدى قازاقپارات ءتىلشىسى.

ونىڭ سوزىنە قاراعاندا، «ومريكون» شتامى قازىر امەريكا مەن ەۋروپانىڭ ءبىرقاتار ەلىنە تاراپ ۇلگەرگەن، ەندى ءبىراز ۋاقىتتا ول الەمنىڭ ءار تۇكپىرىنە جەتەدى.

«بۇل جولى دۇنيەجۇزىلىك دەنساۋلىق ساقتاۋ ۇيىمى بىردەن ارەكەت ەتتى. ءيا، الاڭداۋشىلىق بار، الايدا دۇربەلەڭگە ءتۇسۋدىڭ قاجەتى جوق. «ومريكون» شتامى جايلى العاش وڭتۇستىك افريكاداعى دۋربان ۋنيۆەرسيتەتى جانىنداعى يننوۆاتسيالىق ەپيدەميولوگيالىق ورتالىقتىڭ دوكتورى Tulio de Oliveira مالىمدەدى. ونىڭ كومانداسى سەكۆەنيرلەۋدىڭ مولەكۋليارلى ادىسىمەن 50 دەن استام مۋتاتسيانى انىقتادى. سونىڭ 32 ءسى وسى «ومريكون» شتامىندا بولدى. ارينە، بۇرىن- سوڭدى بولماعان مۇنداي مۋتاتسيا سانى اتىشۋلى دەلتا نۇسقاسىنداعى مۋتاتسيالار سانىنان بىرنەشە ەسە جوعارى ءارى عالىمداردىڭ الاڭداۋشىلىعىن تۋدىردى، ال د د ۇ تيىسىنشە دۇربەلەڭ تۋدىردى، - دەپ جازدى پروفەسسور الماز شارمان Facebook-تەگى پاراقشاسىنا.

سونىمەن قاتار، ول كوروناۆيرۋستىڭ جاڭا شتامدارى ۆاكسينا الۋ دەڭگەيى تومەن ەلدەردەن شىعىپ جاتقانىن جەتكىزدى.

« ومريكون نۇسقاسىنىڭ پايدا بولۋ سەبەپتەرىنىڭ ءبىرى - ەڭ الدىمەن، ۆاكسينا الماعان ءارى يممۋن تاپشىلىعى بار ادامداردىڭ اعاسىندا ۆيرۋستىڭ ۇزاق مەرزىمدى رەپليكاتسياسى بولۋىنان. ونداي ادامدار وڭتۇستىك افريكادا وتە كوپ. سوندىقتان بىزگە باستى كۇشتى ۆاكسينا الۋعا ءبولۋ كەرەك»، - دەپ جازدى ول.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات