حيرۋرگ قاتەلەسىپ، ناۋقاستىڭ ساۋ اياعىن كەسىپ تاستاعان

نۇر- سۇلتان. قازاقپارات - اۆستريادا حيرۋرگ دارىگەردىڭ ءبىرى ناۋقاستىڭ اۋرۋ اياعىن كەسۋدىڭ ورنىنا ساۋ اياعىن كەسىپ، جازاعا تارتىلدى، دەپ حابارلايدى «حابار 24».

82 جاستاعى ناۋقاس فرايشتادت قالاسىنداعى اۋرۋحاناعا بيىل مامىر ايىندا تۇسكەن. وسىدان كەيىن ونىڭ سول اياعىن كەسۋ تۋرالى شەشىم شىعارىلعان. ءبىراق حيرۋرگ قاتەلەسىپ، ونىڭ وڭ اياعىنا وپەراتسيا جاساعان.

جىبەرىلگەن قاتەلىك 2 كۇننەن كەيىن ناۋقاستىڭ اياعىن تاڭۋ كەزىندە انىقتالادى. اۋرۋحانا رەسمي كەشىرىم سۇراپ، ءجىتى تەكسەرۋ جۇرگىزىلەتىنىن ايتقانمەن، ءىس سوتقا بەرىلىپ، حيرۋرگقا 2700 ەۋرو ايىپپۇل سالىنعان. ال حيرۋرگ ءوز قاتەلىگىن اۋرۋحاناداعى وپەراتسيا جاساۋ جۇيەسىندەگى كەمشىلىكتەرمەن تۇسىندىرگەن.