USD 435.1 EUR 493.27
RUB 5.69 CNY 68.63
جاڭالىقتار

شەتەلدە سوتتالعان قانشا قازاقستاندىق راقىمشىلىققا ىلىگەدى

2 جەلتوقسان 12:22
:ءبولىسۋ
شەتەلدە سوتتالعان قانشا قازاقستاندىق راقىمشىلىققا ىلىگەدى

نۇر-سۇلتان. قازاقپارات - سەناتتىڭ جالپى وتىرىسىندا ىشكى ىستەر ءمينيسترى ەرلان تۇرعىمبايەۆ شەتەلدە سوتتالىپ، جازاسىن ەلىمىزدە وتەپ جاتقان قانشا قازاقستاندىق راقىمشىلىققا ىلىگەتىنىن ايتتى، دەپ حابارلايدى قازاقپارات ءتىلشىسى.

ايتا كەتەيىك ، بۇگىن سەناتتىڭ جالپى وتىرىسىندا «قازاقستان رەسپۋبليكاسى تاۋەلسىزدىگىنىڭ 30 جىلدىعىنا بايلانىستى راقىمشىلىق جاساۋ تۋرالى» زاڭى قابىلداندى.

«ازىرلەنگەن زاڭ جوباسى قانشاما وتباسىنى جاقىندارىمەن قاۋىشتىرۋعا سەبەپكەر بولادى. دەگەنمەن، بۇل زاڭ جوباسىنىڭ كۇشى شەت ەلدىڭ ۇكىمىمەن سوتتالعان، ءبىراق ەلىمىزگە ەكستراديتسيالانعان قازاقستاندىق ازاماتتارعا قولدانىلا ما؟ قازىرگى كەزدە ەلىمىزدىڭ تۇزەۋ مەكەمەلەرىندە شەت مەملەكەت سوتىنىڭ ۇكىمىمەن سوتتالعان 35 قازاقستاندىق جازاسىن وتەپ جاتىر. سول ادامداردىڭ قانشاسى تاۋەلسىزدىكتىڭ 30 جىلدىعىنا بايلانىستى راقىمشىلىقتان ءۇمىتتى»، - دەپ سۇرادى سەناتور دانا نۇرجىگىتوۆا.

ءوز كەزەگىندە ىشكى ىستەر ءمينيسترى ەرلان تۇرعىمبايەۆ قازاقستاندىق 35 ادامنىڭ شەتەلدە سوتتالعانىن راستادى. 31 ى رەسەيدە ءىستى بولسا، قالعاندارى بەلارۋستە جانە قىرعىزستاندا سوتتالعان.

«كەلىسىم بويىنشا اتالعان 35 ادامنىڭ بارلىعى قازاقستانعا اۋىستىرىلىپ، ەلىمىزدە جازاسىن وتەپ جاتىر. راقىمشىلىق بويىنشا تەك قانا ءبىر ادام ىلىگىپ وتىر. قالعان 34 ادام اسا اۋىر جانە اۋىر قىلمىس ءۇشىن سوتتالعان. اتالعان ءبىر ادام ءتورت جىلعا اۋىر قىلمىس ءۇشىن سوتتالعان ەدى، سول مەرزىمنىڭ ءۇش جىلى ءوتىپ، ءبىر جىلى قالعان. قۇجات بويىنشا راقىمشىلىققا ەنىپ وتىر»، - دەدى مينيستر.

اۆتور: رۋسلان عابباسوۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات