USD 434.48 EUR 492.61
RUB 5.68 CNY 68.44
جاڭالىقتار

كوركەم كينوجوبا «ابايدىڭ قارا سوزدەرى» فيلمىنىڭ ءتۇسىرىلىمى اياقتالدى - فوتو

2 جەلتوقسان 11:24
:ءبولىسۋ
كوركەم كينوجوبا «ابايدىڭ قارا سوزدەرى» فيلمىنىڭ ءتۇسىرىلىمى اياقتالدى - فوتو

نۇر-سۇلتان. قازاقپارات - 15 سەريالى «ابايدىڭ قارا سوزدەرى» فيلمىنىڭ ءتۇسىرىلىمى اياقتالدى. ابايدىڭ 175 جىلدىعىنا ارنالعان كينوجوبانى ق ر پرەزيدەنتىنىڭ تەلەراديوكەشەنى قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا «ۇلتتىق كينونى قولداۋ مەملەكەتتىك ورتالىعىنىڭ» قولداۋىمەن ازىرلەدى، دەپ حابارلايدى قازاقپارات.

فيلم ون بەس استارلى اڭگىمە مەن فيلوسوفيالىق تراكتاتتاردان تۇرادى. كينوجوبادا قازاقتىڭ ۇلى اقىنى- رەفورماتور ءارى فيلوسوفىنىڭ ىرگەلى تۋىندىسىنىڭ مىزعىماس قۇندىلىعىن جاڭاشا اشاتىن كۇردەلى رەجيسسەرلىك شەشىمدەر قولدانىلعان. باستى كەيىپكەرلەردى قازاقستان كينەماتوگرافياسىنىڭ ەڭبەك سىڭىرگەن اكتەرلەرى - تۇڭعىشباي جامانقۇلوۆ، جان بايجانبايەۆ، ەرىك جولجاقسىنوۆ، نۇرلان ءالىمجانوۆ، ارۋجان جازىلبەكوۆا، بەرىك ايتجانوۆ، ايان وتەپبەرگەن جانە باسقالار سومدادى.


تەلەراديوكەشەننىڭ باس ديرەكتورى راۋشان قاجىبايەۆانىڭ ايتۋىنشا، ««قارا سوزدەردە» قازاق حالقىنىڭ ۇلتتىق تاربيەسى مەن دۇنيەتانىمى، ادامگەرشىلىك جانە مورالدىق نەگىزدەرى، تاريحي ماسەلەلەر كوتەرىلەدى». ت ر ك باسشىسى «ۇلى ابايدىڭ ويلارى مەن تۇجىرىمدارى بۇگىنگى كۇنى دە وزەكتى» ەكەنىنە توقتالدى.

«ءبىزدىڭ جۇمىسىمىز قازاق ادەبيەتىنىڭ كلاسسيگى، اقىن، قوعام قايراتكەرى جانە XIX عاسىرداعى ۇلى اعارتۋشىنىڭ جارقىن مۇراسى «قارا سوزدەردى» ناسيحاتتاۋعا ۇلەس قوسادى دەپ ۇمىتتەنەمىز»، - دەدى ر. قاجىبايەۆا.


كوركەم كينوجوبانىڭ ءتۇسىرىلىمى الماتى قالاسى مەن الماتى وبلىسىنىڭ ءتۇرلى ايماعىندا ءوتتى. قازىرگى ۋاقىتتا گرافيكالىق جۇمىستار مەن تۇستەردى تۇزەتۋدىڭ سوڭعى ساتتەرى ءجۇرىپ جاتىر. فيلم قازاق، ورىس جانە اعىلشىن تىلدەرىندە تۇسىرىلگەن. كوركەم كينوجوبا اشىق تۇردە ينتەرنەت- پلاتفورمالاردا جاريالانىپ، الەمدىك تەلەارنالاردا كورسەتىلەدى.




:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات