ەلوردا اۋەجايى سيرەك كەزدەسەتىن مۇراعاتتىق فوتوسۋرەتتەردى كورسەتتى

None
None
نۇر-سۇلتان. قازاقپارات - قازاقستان رەسپۋبليكاسىنىڭ تۇڭعىش پرەزيدەنتى كۇنى «نۇرسۇلتان نازاربايەۆ حالىقارالىق اۋەجايى» ا ق-عا 90 جىل تولدى.

بۇل كۇنى، 1931 -جىلعى 1-جەلتوقساندا سەمەي مەن اقمولا اراسىندا تۇراقتى اۋە قاتىناسى باستالدى (كاسىپورىننىڭ قۇرىلعان كۇنى). وسى كۇنگە وراي، ەلوردا اۋەجايىندا تەرمينالداردىڭ قۇرىلىس تاريحىنان سىر شەرتەتىن سيرەك كەزدەسەتىن مۇراعاتتىق فوتوسۋرەتتەر كورسەتىلدى، دەپ حابارلايدى قازاقپارات اۋەجايدىڭ سايتىنا سىلتەمە جاساپ.

استانا اۋەجايىندا قالىڭ قارعا بايلانىستى رەيستەر كەشىكتىرىلۋدە بۇگىن، 90 جىلدان كەيىن، تاڭعى رەيسپەن ەلوردادان «نۇر-سۇلتان - سەمەي» باعىتى بويىنشا اۋە كەمەسى ۇشىپ شىقتى، جولاۋشىلار سالتاناتتى جاعدايدا وركەستردىڭ اۋەنىمەن تىركەۋدەن ءوتتى. سونداي-اق مەرەيتويلىق ءىس-شارالار اياسىندا Halyk Bank-پەن بىرلەسىپ، اۋەجاي ديزاينىمەن تاقىرىپتىق بانك كارتاسى شىعارىلدى.


بۇگىندە نۇرسۇلتان نازاربايەۆ حالىقارالىق اۋەجايى - ەلىمىزدەگى ەڭ ءىرى اۋەجايلاردىڭ ءبىرى. ەلوردانىڭ اۋە ايلاعى ورتالىق ازيا ەلدەرىنىڭ اۋەجايلارى اراسىندا جولاۋشىلار اعىنى مەن جۇك تاسىمالىنىڭ كوپتىگىنە بايلانىستى ەكىنشى ورىندا، سونداي-اق پوستكەڭەستىك كەڭىستىكتەگى اۋەجايلار اراسىندا 12-ورىندا.

مۇندا قابىلداناتىن اۋە كەمەلەرىنىڭ ەڭ جوعارى تۇرلەرىى: بوينگ ب-747-800، رۋسلان ان-124 جانە تومەنگى ساناتتاعى ۇشاقتار. بۇگىنگى تاڭدا اۋەجايدىڭ الەمدىك وزىق تاجىريبەلەرگە سايكەس جولاۋشىلارعا دا، اۆياكومپانيالارعا دا قىزمەت كورسەتۋ ءۇشىن بارلىق قاجەتتى ينفراقۇرىلىمى بار.


سيفرلىق مۇمكىندىكتەردى دامىتۋدىڭ ارقاسىندا اۋەجاي ازىرلەپ شىققان NQZ قوسىمشاسى ارقىلى جولاۋشىلار ونلاين- تىركەۋدەن وتە الادى، رەيستەردى باقىلاي الادى، اۋەجاي قىزمەتتەرىنە اقى تولەي الادى. اۋە كەمەلەرىنە وتىن قۇيۋدىڭ بىرەگەي جۇيەسى ءوز كەزەگىندە ۇشۋ الدىنداعى راسىمدەرگە كەتەتىن ۋاقىتتى قىسقارتۋعا جانە اۆياكومپانيالارعا جەدەل قىزمەت كورسەتۋگە مۇمكىندىك بەرەدى.

ەلوردا اۋەجايىن دامىتۋ ياتا جانە يكاو حالىقارالىق ستاندارتتارىنا سايكەس جۇرگىزىلەدى. اۋەجايدىڭ ۇشۋ-قونۋ جولاعى ورتالىق ازياداعى ەڭ ۇزدىك جولاقتاردىڭ ءبىرى. ول ءى ءى ءى ا يكاو ساناتىنا سايكەس كەلەدى جانە كەز كەلگەن اۋا رايىندا اۋە كەمەلەرىن قابىلداۋعا جانە شىعارۋعا مۇمكىندىك بەرەدى. ەلوردا اۋەجايى نۇر-سۇلتان قالاسىنىڭ قوناقتارى مەن جولاۋشىلارى ءۇشىن قولايلى جاعداي جاساۋدا بارلىق مۇمكىندىكتى قولدانادى.



اۆتور: اياۋلىم التىنبەك

سوڭعى جاڭالىقتار