USD 434.24 EUR 492.69
RUB 5.67 CNY 68.46
جاڭالىقتار

ەلباسى تاريحي وتانىنا ورالعان قانداستارىمىز جايىندا ايتتى

2 جەلتوقسان 08:10
:ءبولىسۋ
ەلباسى تاريحي وتانىنا ورالعان قانداستارىمىز جايىندا ايتتى

ەر-رياد. قازاقپارات - ەلباسى نۇرسۇلتان نازاربايەۆ ءوزى تۋرالى تۇسىرىلگەن فيلمدە قانداستارىمىز جايىندا ايتتى، دەپ حابارلايدى قازاقپارات ءتىلشىسى.

«بارلىق ۋاقىتتا دا مالايزيادا ءبىز سياقتى 16 ميلليون ادام بولعانىن ايتىپ كەلەمىن. 40 جىلدان كەيىن ولاردىڭ سانى 60-70 ميلليون ادامعا جەتتى. ءبىراق قازىر جاعداي باسقا. بۇگىندە مادەنيەتتى بولا ءتۇستى، وتباسىن جوسپارلايتىن بولدى. قالاي دەسەك دە ءبارى دۇرىس بولادى دەپ ويلايمىن»، - دەدى نۇرسۇلتان نازاربايەۆ وليۆەر ستوۋننىڭ «Qazaq. التىن ادام تاريحي» دەرەكتى فيلمىندە.

ەلباسى ەلىمىزدە بالا تۋۋ كورسەتكىشىنىڭ جاقسارعانىن ايتتى.

«بۇعان قوسا، سوناۋ قيىن- قىستاۋ جىلدارى - توڭكەرىس، سوعىس، اشتىق جىلدارى 3-4 ميلليون قازاق جان-جاققا كەتىپ قالدى. تاۋەلسىزدىك العاننان كەيىن مەنىڭ باستامام بويىنشا 1 ميلليون ادام ەلگە ورالدى. جۇمىس، كوتەرمە جاردەماقى بەردىك. بۇل لەك جالعاسۋدا. ەتنيكالىق قازاقتاردىڭ ەشقايسىسىنا دا ءوز وتانىنا ورالۋىنان كەدەرگى كەلتىرمەيمىز. ياعني، پروتسەسس جالعاسىپ جاتىر»، - دەدى نۇرسۇلتان نازاربايەۆ.

ەسكە سالساق، «وسكار» سىيلىعىنىڭ 3 مارتە يەگەرى اتاقتى كينورەجيسەر، سەناريست وليۆەر ستوۋننىڭ پروديۋسەرلىگىمەن جارىق كورگەن «Qazaq. التىن ادام تاريحى» اتتى فيلمدى تۇسىرۋگە 19 اي كەتكەن.


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات