USD 435.1 EUR 493.27
RUB 5.69 CNY 68.63
جاڭالىقتار

ۇلتتىق بانكتىڭ قىزمەتكەرى رەتىندە تەلەفون شالاتىن الاياقتار كوبەيدى

30 قاراشا 22:13
:ءبولىسۋ
ۇلتتىق بانكتىڭ قىزمەتكەرى رەتىندە تەلەفون شالاتىن الاياقتار كوبەيدى

نۇر-سۇلتان. قازاقپارات - ۇلتتىق بانك اقشا جىمقىرۋ ماقساتىندا ازاماتتاردىڭ جەكە دەرەكتەرىنە يە بولۋ ءۇشىن ۇلتتىق بانكتىڭ قىزمەتكەرى رەتىندە تەلەفون شالاتىن الاياقتاردىڭ كوبەيە باستاعانىن ەسكەرتەدى، دەپ حابارلايدى قازاقپارات.

«الاياقتار تەلەفون ارقىلى بايلانىسقان كەزدە بانك شوتىنىڭ نومىرلەرى مەن نەسيەنىڭ بار-جوعى تۋرالى اقپاراتتى سۇرايدى. سونىمەن بىرگە، «تەحنيكالىق مونيتورينگ» ماقساتىندا دەگەن جەلەۋمەن ازاماتتاردان ءتولقۇجات دەرەكتەرىن، اتاپ ايتقاندا، ج س ن مالىمەتىن بىلگىسى كەلەدى.

الاياقتار، سونىمەن قاتار تەكسەرۋ ءۇشىن دەپ شوت اشۋدى نەمەسە تەست رەجىمىندە نەسيە الۋعا ءوتىنىش بەرۋدى جانە ءۇشىنشى تاراپتىڭ شوتىنا اقشا اۋدارۋعا ۇندەيدى»، دەلىنگەن ەسكەرتۋدە.

«ۇلتتىق بانك «اقشا جىبەرىڭىز» دەگەن ەلەكتروندى حات پەن بەلگىسىز نومىردەن تۇسكەن قوڭىراۋعا جاۋاپ بەرمەۋگە كەڭەس بەرەدى.

«بەلگىسىز بانك شوتىنىڭ رەكۆيزيتى كورسەتىلگەن «اياق استى اقشاعا تاپ بولاسىز» دەگەن حابارلاما نەمەسە تەلەفون قوڭىراۋى كوبىنەسە الاياقتاردىڭ ارەكەتى بولىپ شىعادى»، دەلىنگەن حابارلامادا.

ۇلتتىق بانكتىڭ مالىمدەۋىنشە، قارجى سالاسىن رەتتەۋشى جەكە تۇلعانىڭ شوتىنا قىزمەت كورسەتپەيدى، اقشالاي ەسەپ ايىرىسۋ مەن مامىلە جاسامايدى. وندا شوتتار تەك قانا ۇلتتىق بانكتىڭ، ەكىنشى دەڭگەيلى بانكتەردىڭ، شەكتەۋلى زاڭدى تۇلعالاردىڭ وپەراتسيالارىن ەسەپكە الۋ ءۇشىن عانا اشىلادى.

ۇلتتىق بانكتەن «اقشا اۋدارىڭىز» دەگەن سيپاتتا كۇماندى حات كەلسە نەمەسە قوڭىراۋ تۇسسە، قۇقىق قورعاۋ ورگاندارىنا ارىزدانۋ قاجەت.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات