قازاقستانعا ۇشاقپەن كەلەتىن جولاۋشىنى قابىلداۋ ءتارتىبى قاتاڭداتىلدى

None
None
نۇر-سۇلتان. قازاقپارات - ق ر باس سانيتار دارىگەرى ەرلان قياسوۆ كوروناۆيرۋس ينفەكسياسىنىڭ «وميكرون» شتامى قازاقستان اۋماعىندا تارالماۋىنا ارنالعان جاڭا قاۋلى جاريالاندى، دەپ حابارلايدى قازاقپارات ءتىلشىسى.

قۇجاتتا قازاقستان رەسپۋبليكاسىنا شەتەلدەن اۆيارەيستەرمەن كەلەتىن ادامداردى قابىلداۋدىڭ ءتارتىبى بەكىتىلگەن. ول ءتارتىپ بويىنشا قازاقستان رەسپۋبليكاسىنىڭ ۇكىمەتتىك دەلەگاتسيالارىنان، ەرتىپ جۇرەتىن ادامنىڭ پ ت ر انىقتاماسى بولعان جاعدايدا 5 جاسقا دەيىنگى بالالاردان، اۆياكومپانيالاردىڭ ەكيپاجدارىنان، قازاقستان اۋماعىندا COVID-19-عا قارسى ۆاكسينالاۋدىڭ تولىق كۋرسىن العان ازاماتتاردان باسقالاردىڭ ءبارى مەملەكەتتىك شەكارانى كەسىپ ءوتۋ ساتىندە مەرزىمى 3 تاۋلىكتەن اسپايتىن پ ت ر انىقتاماسىن ۇسىنۋعا مىندەتتى.

«بۇل رەتتە COVID-19 عا قارسى ۆاكسيناتسيالاۋدىڭ تولىق كۋرسىنىڭ بار-جوعىنا قاراماستان يزرايل، چەحيا، نيدەرلاند، ۇلى بريتانيا، يتاليا، گەرمانيا، اۋستراليا، كانادا، بەلگيا جانە ەگيپەت ەلدەرىنەن كەلگەن ازاماتتار قازاقستان رەسپۋبليكاسىنىڭ مەملەكەتتىك شەكاراسىن كەسىپ وتكەن ساتتە مەرزىمى 72 ساعاتتان اسپايتىن پتر انىقتاما كورسەتۋگە مىندەتتى»، - دەپ جازىلعان قاۋلىدا.

ال حالىقارالىق ترانزيتپەن وتەتىن جولاۋشىلارعا ترانزيتتىك ايماقتان شىعۋعا تىيىم سالىنادى.

قاۋلى 3- جەلتوقساندا ساعات 00.00 دەن باستاپ كۇشىنە ەنەدى.

سوڭعى جاڭالىقتار