قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - اۋا رايىنىڭ بۇزىلۋىنا بايلانىستى ەلىمىزدىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەتكە» سىلتەمە جاساپ.

1- جەلتوقسان كۇندىز سولتۇستىك قازاقستان وبلىسىنىڭ سولتۇستىك-باتىسىندا جاياۋ بۇرقاسىن كوتەرىلىپ، كوكتايعاق بولادى. وڭتۇستىكتەن جەل سوعادى، وبلىستىڭ سولتۇستىك-باتىسىندا جەل ەكپىنى 15-20 م/س جەتەدى.

1- جەلتوقسان كۇندىز قىزىلوردا وبلىسىنىڭ سولتۇستىگىندە جانە ورتالىعىندا وڭتۇستىك-شىعىستان كۇشتى جەل سوعادى، قارقىنى - 15-20 م/س شاماسىندا.

1- جەلتوقساندا اقمولا وبلىسىندا وڭتۇستىك-باتىستان جانە وڭتۇستىكتەن جەل سوعادى. وبلىستىڭ سولتۇستىك-باتىسىندا جەل جىلدامدىعى 15-20 م/س دەيىن كۇشەيەدى.

1- جەلتوقسان تۇندە اقتوبە وبلىسىنىڭ باتىسىندا كوكتايعاق پەن جاياۋ بۇرقاسىن بولادى. وڭتۇستىك-شىعىستان جەل سوعادى، وبلىستىڭ باتىسىندا، سولتۇستىگىندە جانە ورتالىعىندا جەل ەكپىنى 15-20 م/س جەتەدى.